網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2017年5月3日 星期三

李嘉向徐曉冬下戰書:送佢一程 __,

李嘉勁呀!有無綫「功夫狂人」之稱的李嘉亦有留意內地MMA狂人徐曉冬擊爆太極高手魏雷的影片,李嘉對於徐曉冬狠批傳統武術大為不滿,在其社交網站向徐曉冬下戰 ...


李嘉勁呀!

有無綫「功夫狂人」之稱的李嘉亦有留意內地MMA狂人徐曉冬擊爆太極高手魏雷的影片,李嘉對於徐曉冬狠批傳統武術大為不滿,在其社交網站向徐曉冬下戰書約戰,訂下三年之期、六大規矩。

流血係決鬥

講到下戰書一事,李嘉接受東網訪問,直言二人皆不能代表MMA與中國太極,更認為整件事都是宣傳炒作,他說:「唔同武術係可以打、去交流,但嗰啲叫『試手』,係唔見血嘅,如果要打到流血,係叫『決鬥』,係兩個人嘅件事、解決兩個人之間嘅仇恨。完全唔需要觀眾同拍片放上網,你可以留意我定嘅規矩,每一項都有意義!」

「送你一程」

學過不少功夫的李嘉,狠批徐曉冬表現業餘:「睇佢打超過10拳,對方都仲企到起身,證明拳腳好差!MMA只係喺擂台打、要一對一,如果真係去到硬地打,喺地面鉗住人自己都已經傷晒(擔心佢真係接受挑戰?打死人?)我以前開過武館,長期着黑衫黑褲,代表我係隨時接受挑戰,如果我打死佢,就係『送你一程』,如果我技不如人,就係送我自己走!(計劃用咩武術應戰?)冇話代表咩門派,決鬥係個人嘅事,唔係我打贏你就係李嘉贏咗MMA,我都定咗規則係可以用武器!」

理解李連杰

講到李連杰拍片撐太極,李嘉表示理解,更認真指:「我都有留意,但李連杰都代表唔到傳統武術,佢係武術學校學新派武術,功夫係個人修行,唔會太多花巧嘢、咁在意觀眾感觀享受。」

至於擁有深厚武術根底的伍允龍,接受東網電話訪問時表示:「個人表現唔可以代表每個派別嘅功夫,武術界比試係好,可以提高每個派別嘅功夫,過程間睇吓自己有咩長處、不足之處,返去調理咗再訓練,希望大家用研究嘅心去處理件事」


來源 source: http://hk.on.cc
鍾意就快D Share啦!