2017年5月5日 星期五

轉個頭又返無綫 麥長青獲加人工做主持 __,無綫,麥包,麥長青,

麥長青返TVB主持節目,仲有人工加喎。藝員麥長青與江美儀為主持的無綫節目《關你家事》拜神,滕麗名則擔任嘉賓。去年十二月離開無綫的麥長青轉眼又重返無綫以 ...


麥長青返TVB主持節目,仲有人工加喎。

藝員麥長青與江美儀為主持的無綫節目《關你家事》拜神,滕麗名則擔任嘉賓。去年十二月離開無綫的麥長青轉眼又重返無綫以部頭形式拍攝十五集節目,問到麥長青可有洽談再拍劇?他說:「暫時做住主持先,其他未傾,做主持幾好,可以做到自己嘢。(今次返嚟有冇加人工?)梗係有。(加雙倍?)咁又冇,原來我嘅人工幾高。」

麥長青離巢後早前在大陸拍劇,他透露有意從事幕後製作工作,自己寫劇本拍攝自己喜歡的故仔,他說:「自己就係鍾意做呢行,啲朋友都話我又唔紅,又搵唔到錢,出去做生意仲搵到錢,但係自己就有呢份執着。」

麥長青與江美儀指節目探討家庭真實個案,探討家庭問題,麥長青說:「自己細個都好自卑,有段日子都寄人籬下,成個成長過程都幾乎冇爸爸喺身邊,有事都冇人幫,同人打架,所以形成咗性格要保護家人,唔好畀人睇唔起。」

江美儀則指自己成長在完整家庭,但也可分享拍攝《親親我好媽》接觸家長的例子。


來源 source: http://hk.on.cc
鍾意就快D Share啦!
Related Posts Plugin for WordPress, Blogger...