2017年5月9日 星期二

咁驚!欣宜唔畀周秀娜識「大隻吳卓羲」 __,周秀娜,欣宜,吳卓羲,

欣宜唔畀周秀娜(左圖)識「大隻吳卓羲」。演員周秀娜、鄭欣宜、蔡瀚億、葛民輝、鄭丹瑞今晚在銅鑼灣出席演出的電影《29+1》慈善首映。前來捧場的嘉賓包括有 ...


欣宜唔畀周秀娜(左圖)識「大隻吳卓羲」。

演員周秀娜、鄭欣宜、蔡瀚億、葛民輝、鄭丹瑞今晚在銅鑼灣出席演出的電影《29+1》慈善首映。前來捧場的嘉賓包括有鄭少秋、曾志偉、王祖藍、許廷鏗、周家怡、王宗堯等。女主角周秀娜以紅色長裙谷胸亮相,又烏身整理裙子,相當搶鏡。周秀娜與欣宜一齊接受訪問,欣宜被指與「大隻吳卓羲」撻着,問到是否有新男友?她笑說:「唔係男友,佢係我中學同學,佢想投資我間鋪,嗰日咪去睇吓。(有冇發展機會?)我哋15歲就識,太過熟喇。」提議欣宜介紹「大隻吳卓羲」給周秀娜認識?欣宜笑說:「佢有女朋友㗎。」周秀娜則笑說:「我唔可以將就做第三者㗎,我要就大鑊。」

想放假去旅行

月底生日的周秀娜,被問到生日願望可想找個男朋友?她笑說:「唔係第一時間諗要男友,反而想放假去旅行,咁倉卒邊搵到男友。」正拍攝劇集《深宮計》的她,指還未知生日要否開工,稍後要到橫店拍外景,可能會在工作中過生日。

交換消暑妙法

講到歐陽震華日前拍劇中暑,周秀娜說:「有一日我同劉心悠拍耍劍戲,拍一陣已經拍到背脊濕晒,成身大汗,遲啲去橫掂拍外景成四十幾度好熱,依家大家都互通緊消暑嘅消息,我諗住買部流動冷氣機、風扇、同埋會帶定冰貼。其實依家錄影廠都好熱,因為太多人,同埋為咗靚打好多燈,加加埋埋個廠就好熱。」

累積超過143萬票房

《29+1》優先場香港票房已經累積超過143萬票房,先聲奪人,問到對電影票房信心會否大增?周秀娜說:「好多謝大家支持,有個女仔喊住同我講話睇完套戲幫到佢,最開心係可以幫到啲女仔面對29+1嘅疑惑。」

鄭少秋撐場

欣宜爸爸鄭少秋正忙綵排演唱會,但仍抽空支持愛女,父女相見時欣宜感動得眼濕濕,她說:「我知佢排緊演唱會,同佢講抽到時間就嚟啦,冇壓力嘅,爸爸就話一定要嚟,個女第一次做女主角喎。(驚唔驚爸爸睇到你啲咀戲?)我大人嚟29+1喇,其實自己睇都尷尬。」


來源 source: http://hk.on.cc
鍾意就快D Share啦!
Related Posts Plugin for WordPress, Blogger...