掃呢頁CODE去手機

2017年5月3日 星期三

【動畫●獨家】姚瑩瑩頸椎移位致心絞痛 坐港鐵展愁容 __,港鐵,姚瑩瑩,

現年45歲嘅姚瑩瑩入行21年,由少女演到大媽角色,從來冇托手踭,絕對係稱職「綠葉王」。近年瑩瑩多演高級人員、富家女等女人味濃嘅戲路,但近日播出嘅《全職 ...


現年45歲嘅姚瑩瑩入行21年,由少女演到大媽角色,從來冇托手踭,絕對係稱職「綠葉王」。近年瑩瑩多演高級人員、富家女等女人味濃嘅戲路,但近日播出嘅《全職沒女》,飾演陳松齡嘅家姐羅麗芝,扮演一個男人婆,經常咬住牙籤嘴藐藐,但一啲都唔討厭,反而好搶戲,被網民讚演技有突破。讀者周小姐日前透過《蘋果》「爆相爆片」,透露上周五晚上10點幾,見到「男人婆」姚瑩瑩變返普通師奶,着住沉實嘅藍色衫褲,與一名女友人一齊坐港鐵,但同行未見佢老公同囝囝Evan。瑩瑩全程戴住口罩,同朋友一邊傾偈一邊皺眉,周小姐話:「姚瑩瑩喺金鐘上車,搭去九龍方向,佢生得幾高大,加上戴住口罩,所以一眼就認得。佢同朋友傾偈時個樣都好愁,起初佢係拎住手柄,後來見有得俟,佢就即刻閉目養神。」據悉瑩瑩最近受頸椎移位困擾,由於壓住神經,以致心絞痛,經常出現作嘔情況;身體更有水腫問題,試過連劇組提供嘅鞋,都因為腳腫着唔落,搞到唔連戲。近日瑩瑩又要同時為《誇世代》及《愛·回家之開心速遞》兩部劇開工,壓力大加上休息唔夠,仲患埋支氣管炎。日前瑩瑩都有喺facebook貼上戴住頸箍嘅相,叫朋友唔使替佢擔心,佢話:「大家唔使擔心,骨科醫生已幫我定番好軟骨組織位置,但現在唔可以彎曲或拎重物。叫我暫時不可以低頭,你哋話可唔可能呢?買咗書架睇劇本,應該會冇事!」瑩瑩噚日接受傳媒訪問時,對於《沒女》演出被受讚賞,佢都好感激監製陳耀全俾機會及觀眾支持,佢話:「算係一個突破,監製睇得我太多高貴優雅,佢想要啲新嘢。(咬牙籤係咪自己諗?)Of course not我邊有咁叻,係監製想製造一個唔同嘅姚瑩瑩,唔想成日都係有錢人,我就盡量配合。」

姚瑩瑩坐港鐵時,眉頭皺晒,仲辛苦到要閉目養神。(讀者周小姐提供圖片) (讀者周小姐提供圖片) (讀者周小姐提供圖片)
(讀者周小姐提供圖片) (讀者周小姐提供圖片) 瑩瑩喺《全職沒女》扮男人婆,演技有突跛。(電視截圖)
(電視截圖) 姚瑩瑩受頸椎移位困擾多年,近日要戴頸箍定位。(姚瑩瑩fb截圖) (姚瑩瑩fb截圖)
為免經常低頭睇劇本,瑩瑩專登買書架同囝囝一人一個。(姚瑩瑩fb截圖)

來源 source: http://s.nextmedia.com
鍾意就快D Share啦!