2017年5月7日 星期日

夏日熱辣辣!歐陽震華拍劇中暑暈低 __,歐陽震華,

小心身子呀!無綫福將歐陽震華(Bobby)中午在將軍澳電視廣播城為無綫重頭劇《誇世代》拍攝外景時,因在烈日底下暴曬而中暑暈倒,幸而身旁的張繼聰和邵美琪 ...


小心身子呀!

無綫福將歐陽震華(Bobby)中午在將軍澳電視廣播城為無綫重頭劇《誇世代》拍攝外景時,因在烈日底下暴曬而中暑暈倒,幸而身旁的張繼聰和邵美琪及時扶住,令突然休克的他不至於暈低倒地,否則後果不堪設想!之後,Bobby便被在場的台前幕後立即送往電視城內的醫療室急救,經散熱和飲水後,Bobby亦開始恢復知覺,待情況穩定後他亦返家休息,直到夜晚再重返電視城為《誇》劇拍攝廠景。Bobby休息過後亦接受東網電話訪問憶述中暑經過:「今日中午最曬時候,成30度咁熱,我哋因為連戲,要着住冷衫及毛布恤衫拍外景,暴曬下又散唔到熱,所以眼前一黑暈低,好彩當時喺身旁有張繼聰、邵美琪扶住我,即刻枱我去醫療室,好近咋,就喺外景場地隔籬!」

繼續頂硬上

Bobby今次拍《誇》劇中暑身體狀況惹起關注,但專業的Bobby稱會繼續「頂硬上」:「仲要連戲,頂硬上我都想同觀眾講,唔好再批評啲演員拍古裝戲乜乜唔好,今次我連時裝戲都中暑,何況拍古裝又黐頭套仲慘,要體諒藝人既辛酸!(唔使入醫院檢查吓?)我都知道中暑可大可少,其實我喺醫療室休息後都冇乜嘢,唔使入醫院,中間我有一場戲都取消咗,依家返屋企抖吓,今晚可以再開工!」

冇同太太講

到晚上七點,Bobby再度返回電視城,記者見他神色尚可,問其情況時,他即謂:「冇咩大礙,我拍戲中暑都經常有,返咗屋企沖咗個靚涼,過個冷河好好多。(有冇瞓陣休息?)冇特別休息呀,要睇劇本呀,唔使做咩!」他將今次中暑歸咎於天氣太熱,自己為乘涼又在冷氣房一出一入,身體不適應所致:「暈嗰時感覺到全身毛孔擴張,突然覺得好凍,行唔到兩步就暈咗。(老婆擔心?)冇同老婆講呀,唔特登講啦,費事嚇親佢。」之後着住乾濕褸兼拎住篋的Bobby便繼續開工。

張繼聰嗌擔心

至於及時扶住Bobby的張繼聰亦有接受東網電話訪問,他即指當時因見到對方面青口唇白而嚇親:「嘩,咁快收到風?係呀,今日好熱,而啲戲服就係冬季,所以Bobby哥就係呢個大熱天時中暑,我哋都擔心,見到佢嘴唇白晒,所以都休息咗一陣,個幾鐘左右,之後再拍番餘下個啲。所以大家睇到幕前一秒鐘,其實演員同工作人員都付出好多,好似今日咁,個個都係度暴曬。」


來源 source: http://hk.on.cc
鍾意就快D Share啦!
Related Posts Plugin for WordPress, Blogger...