網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2017年5月3日 星期三

還神啦!Dash大難不死:嚇到標尿 __,

最緊要人冇事!樂隊Mr.結他手Dash上周二,在九龍灣啟業邨對出發生交通意外,被尾隨的泥頭車疑欄腰碰撞,幸好車毁人冇傷,而Dash被撞爛的肇事座駕,右 ...


最緊要人冇事!

樂隊Mr.結他手Dash上周二,在九龍灣啟業邨對出發生交通意外,被尾隨的泥頭車疑欄腰碰撞,幸好車毁人冇傷,而Dash被撞爛的肇事座駕,右邊車門凹陷及變形,車窗玻璃全散在車位上,而車尾泵把亦有明顯被撞過的痕迹。

Dash接受東網訪問說:「我都唔知點解會咁(發生交通意外),惟有自己揸車揸得啱晒時都望吓後面,其實佢喺後面架車cut線撞過嚟,撞正我架車兩邊門中間嗰條柱,跟住架車就打橫,再向前拖行咗4、50米。」

不幸中之大幸

有謂車禍頗嚴重沒有人命傷亡很好彩?他說:「同埋我冇受傷先係好好彩,皮外傷都冇,只係小小擦損,身上有小小玻璃碎啲粉,撞完之後頭暈啦,我阿爸有小小擦傷,(阿爸幾歲?)都攞咗長者卡,(睇住阿爸?)我咪拿住軚盤,望住佢有冇事,但冇彈氣袋,因為係撞側邊,同埋我架車係好舊嘅1998年嗰種車,(total loss?)未知,我好鍾意嗰架車㗎,買咗一年,幾萬蚊,香港冇㗎啦,好難再搵到,我讀書時啲飛仔車。」

「當時個腦一片空白」

問到被撞時可想過可能會死?他表示:「撞時反而唔係好驚,只係腦中一片空白,撞嘅衝力唔係好大,個人係清醒嘅,心喺度諗咩料呀,我拎住軚盤話:『你唔好搞我,唔好呀』,(唔好撞埋嚟?)(車禍)唔好咁大鑊呀!因為我要去廣州做陳偉霆演唱會,所以心諗唔好有事,唔好有事,未試過被撞咁大鑊同第一次有乘客喺度,好彩係撞架車最硬嗰個位,喺我嗰邊,(好彩撞你嗰邊,唔係阿爸嗰邊?)係㗎,否則我喊㗎,大佬,嚇到標尿。」他說車禍後有人報警,因現場好近小學,又是放學時候,有不少學生及家長在場。

不滿有人莫不關心

Dash最不滿是有人發生事故後,竟然沒有關心可有人受傷「你喺邊度唧出嚟㗎?」,Dash勞氣地說:「冇血淋淋,你就唔使問吓人有冇事呀,不過我都好感恩,呢次算係不幸中嘅極大幸,本來我阿媽都嚟遊車河,如果阿媽喺度我一定會癲,我細佬又冇嚟,否則成家人喺度。」他又說因找拍片的片主,因片可能是今次車禍的證供。

而Dash的弟婦朱薰在電話中表示:「好彩人冇大礙,嗰日都有見佢哋,我睇到條片時都真係叫岀嚟,黐線㗎,真係,點會咁揸車。」


來源 source: http://hk.on.cc
鍾意就快D Share啦!