2017年5月6日 星期六

【《沒女》大結局】 唔使燒雞翼 張兆輝嗌Honey冧掂松松﹕劇本差極有個譜 __,沒女,陳松伶,松松,張兆輝,

《全職沒女》今晚播映大結局,由張兆輝飾演嘅莊富豪同陳松伶飾演嘅羅麗晶,四年後喺機場相遇,總算有一個完美結局。羅麗晶因為飛機氣流整爛晒啲酒杯,周圍樸機票 ...


《全職沒女》今晚播映大結局,由張兆輝飾演嘅莊富豪同陳松伶飾演嘅羅麗晶,四年後喺機場相遇,總算有一個完美結局。羅麗晶因為飛機氣流整爛晒啲酒杯,周圍樸機票返德國之際,咁啱撞番前度男友阿龍(江榮暉飾演),阿龍嘅老婆向羅麗晶單單打打,羅麗晶就係呢個時候大讚前度男友莊富豪為咗佢嘅事業犧牲自己,當然又係咁啱得咁橋啦,莊富豪喺正後面聽晒,仲即刻英雄救美,好man咁搭住羅麗晶膊頭,叫聲「Honey」,跟住帶佢去坐私人飛機。張兆輝噚日接受《蘋果》訪問時就話好滿意個結局,佢話﹕「我對呢個劇本好有信心,我好鍾意呢個角色同整體故事好完整。我拍嘅時候都覺得好多時能拍到劇本寫嘅要求,所以都好有信心,我哋有好嘅監製、劇本,差極有個譜,加上台前幕後都好用心,我都好開心。」張兆輝話唔知會唔會開拍續集,因為演員好被動,呢啲都係公司決定,問到最喜歡邊一pair結局?佢話﹕我最鍾意我前妻同Fantastic,佢哋消遙自在享受人生,可以過住二人世界生活,希望大家繼續再回味呢部戲。」而陳松伶噚日接受《蘋果》訪問,都話好滿意結局,佢話:「點能夠不滿意,入面一定有編劇同監製嘅情懷,佢哋有想講嘅嘢同伏筆,我都唔排除會有拍續集嘅可能性,因為成個團隊真係合作得好開心,真係好唔捨得,我係一個好容易喊嘅人,去到呢啲動情處,真係好唔捨得。」

《全職沒女》大結局,張兆輝讚劇本完整,自己好滿意。 噚日一班演員約食飯一齊睇結局。 張兆輝同阿仔張振朗及陳瀅。
借醉錫咗羅麗晶一啖。(電視圖片) 機場撞番舊愛(電視圖片) 莊富豪出嚟打救羅慧晶 (電視圖片)
(電視圖片) (電視圖片) Hazel諗住等高琛返嚟(電視圖片)
高琛揀咗蘇花(電視圖片)

來源 source: http://s.nextmedia.com
鍾意就快D Share啦!
Related Posts Plugin for WordPress, Blogger...