2017年5月25日 星期四

【田蜜叻叻豬】高海寧用iPhone宣傳Samsung 一句化解公關災難 __,Sam,iPhone,高海寧,許冠傑,

高海寧(高Ling)喺劇集《不懂撒嬌的女人》入面飾演工於心計,做事深思熟慮嘅田蜜;但現實生活中,高Ling其實傻更更仲好大頭蝦,爭啲就引爆一場小小嘅公 ...


高海寧(高Ling)喺劇集《不懂撒嬌的女人》入面飾演工於心計,做事深思熟慮嘅田蜜;但現實生活中,高Ling其實傻更更仲好大頭蝦,爭啲就引爆一場小小嘅公關災難o添!今日下晝兩點,高Ling索爆現身銅鑼灣,出席一個韓國手機品牌活動。其實高Ling唔係手機品牌代言人,但佢好乖豬,噚日已經喺微博貼相貼文,為今日嘅記招做宣傳。雖然有大陸網民留言話唔會用韓國牌子,但亦有人話歡迎佢加入。不過,重點嚟喇!大頭蝦嘅高Ling可能冇留意,微博係會顯示到出po者用乜嘢牌子手機……結果個po 顯示咗,高Ling係果粉……真係有少少尷尬囉。果然有「田蜜」呢個角色加持係唔同啲,高Ling頭先出席記者會時,都有講番呢件事,佢笑笑口話:「因為個電話今日先攞到,所以之前用另一個牌子電話,依家攞到新電話,以後就可以用新電話影嘢喇!」

噚日高Ling好大頭蝦,用iPhone宣佈為Samsung出席宣傳活動。 對於大頭蝦事件,高Ling話:「因為個電話今日先攞到,所以之前用另一個牌子電話,依家攞到新電話,以後就可以用新電話影嘢喇!」(攝影:馬建華)
一句就化解公關災難,高Ling果然同田蜜一樣咁叻叻豬呀!(《不懂撒嬌的女人》節目截圖)

來源 source: http://s.nextmedia.com
鍾意就快D Share啦!
Related Posts Plugin for WordPress, Blogger...