2017年5月30日 星期二

【獨家】拍埋片!吳業坤JW廁所Gathering __,吳業坤,JW,

嘩嘩嘩~你哋做乜嘢呀?歌手吳業坤和JW(王灝兒)首度合唱新歌《原來只因深愛著》,兩人為宣傳新歌可以去到幾盡?近日兩人公然相約在男女廁間大玩Gather ...


嘩嘩嘩~你哋做乜嘢呀?

歌手吳業坤和JW(王灝兒)首度合唱新歌《原來只因深愛著》,兩人為宣傳新歌可以去到幾盡?近日兩人公然相約在男女廁間大玩Gathering,現身商場廁所,巡視這條「屎坑橋」,吳業坤稱是填詞人陳詠謙想出來:「佢話有乜地方係男女分隔得最開?就係男廁同女廁,呢首歌雖然係合唱,但男方同女方嘅歌詞都分得好開,我代表男仔,JW就代表女仔,所以就諗到宣傳橋就係將男嘅歌詞放喺男廁,女方嘅放喺女廁,感受雙方都入唔到對方思路。」

即興拍片

因吳業坤英文名為James,他笑言和JW可封為「廁所雙J」,兩人懶理「禁地」在男女廁間不停穿梭遊走,除拍下「屎坑照」外,兩人索性在男廁內即興拍一個「廁所版」的《原來只因深愛著》MV,吳業坤站在尿兜前高歌,而JW就由廁格出來與他相遇,兩人最終都忍不住爆笑NG。

誤入廁所

JW對於在男廁唱歌笑言機會難得,而小時候曾入錯男廁解決:「出嚟時啱啱有個男仔入嚟,嚇到我衝咗出去。」而吳業坤哥自爆經常誤入女廁:「因為我唔睇啲牌,見公仔牌有條嘢我就以為係男廁囉,最近都試過,好彩個侍應叫停我,唔係就大件事。」JW幫拖說有時男女廁標誌很難分辨。

廁所宣傳新歌

講到歌詞應貼埋入廁格,讓大家可邊「解決」邊唱歌?JW笑言:「我哋有諗過㗎,但係我哋想靚啲,唯美啲嘛,依家望住塊鏡嘅歌詞又可以影吓相。」吳業坤則說:「而且呢個年代嘅人去廁所都會玩手機,所以啲歌詞都係放喺鏡度好,唯一鏡係最能夠吸引人放低電話,都係一個幾好嘅構思嚟。」今次在廁所Gathering宣傳新歌,吳業坤笑言:「我諗呢個都係破天方,係全港第一對合作單位用廁所嚟宣傳一首情歌。」JW則言:「我哋就想試吓點樣可以貼地啲,啲歌詞可以行街見到,而唔係喺電話上面見到,會有親切感多啲。」

JW玻璃上寫男仔名

談到以前很多人愛在廁格門上寫字,JW笑謂:「我反而試過沖涼時,喺塊玻璃上面啲蒸氣度寫鍾意男仔嘅名,但我發現係唔好兆頭㗎,因為最後會用水沖走,就等如你心儀嘅男仔會冇咗囉。」


來源 source: http://hk.on.cc
鍾意就快D Share啦!
Related Posts Plugin for WordPress, Blogger...