2017年5月30日 星期二

間接Kiss?陳瀅將飲過咖啡贈男粉絲 __,陳瀅,

男粉絲暗爽!藝人陳瀅於銅鑼灣街頭出席咖啡活動,期間她品嚐咖啡後直接把飲過的咖啡轉贈男粉絲,令全場起哄!談到她將「二手咖啡」送人?陳瀅笑言曾經偷飲暗戀對 ...


男粉絲暗爽!

藝人陳瀅於銅鑼灣街頭出席咖啡活動,期間她品嚐咖啡後直接把飲過的咖啡轉贈男粉絲,令全場起哄!談到她將「二手咖啡」送人?陳瀅笑言曾經偷飲暗戀對象的飲料,感覺好sweet:「我不嬲讀書嘅時候都亂飲人哋嘅野,我唔太介意呢樣野,總之最好病就唔好畀人飲。(細細個就間接kiss?)係啩,以前暗戀個男仔會攞佢杯嘢嚟飲,係佢唔知情嘅情況下間接咁做。(之後成功拍拖?)冇呀,但sweet!」談到如果粉絲取走她飲過的水等物品?她笑稱粉絲都好乖:「唔會啩,(遇過變態粉絲?)冇,反而收到粉絲寫信同寄番我本寫真畀我,想我簽完名再寄畀佢。(收過示愛信?)冇,佢哋好好,我有個盒放粉絲嘅信,唔開心就會睇黎鼓勵自己。」

唔覺何雁詩有異性冇人性

談到好友何雁詩與男友鄭俊弘秘密同居?本來與何雁詩合租住處的陳瀅即為對方護航:「所以今日天氣咁熱就要出嚟努力搵錢,(租埋對方嗰份?)嗯!(佢同你商量過?)以我所知佢係搬番屋企,有冇搬去西貢就唔知,因為我之前先去完佢大埔屋企。(佢心情受困擾所以搬番屋企?)係我做得唔好,畀唔到母愛同父愛佢,佢掛住爸爸媽媽咪返去住。」問陳瀅會否覺得蜜運中的何雁詩「有異性冇人性」?她否認,亦堅稱對方只是回家住:「唔會,好正常返屋企住,屋企有人煮飯食,我都想。」


來源 source: http://hk.on.cc
鍾意就快D Share啦!
Related Posts Plugin for WordPress, Blogger...