掃呢頁CODE去手機

2017年5月3日 星期三

孫耀威:已同Macy註冊結婚 __,孫耀威,

前日在港再影婚照孫耀威:已同Macy註冊結婚娛樂要聞歌手孫耀威昨日藉着舉行加盟星娛樂的記者會,即場宣佈與拍拖8年的陳美詩(Macy)走到人生另一階段: ...


前日在港再影婚照

孫耀威:已同Macy註冊結婚

娛樂要聞

歌手孫耀威昨日藉着舉行加盟星娛樂的記者會,即場宣佈與拍拖8年的陳美詩(Macy)走到人生另一階段:「我要宣佈一件人生重要嘅事,就係日前已經同Macy喺美國註冊結婚。」其實上月本報已率先踢爆兩人飛到澳洲影婚照,前日二人再在港補拍結婚相。孫耀威自爆3年前在瑞士包起一間甜品店求婚,結束「冇腳嘅雀仔」的生活。



孫耀威昨日宣佈已跟陳美詩註冊結婚,婚照中搭住老婆的他表情鬼馬。

現年44歲的孫耀威昨日在尖沙嘴舉行加盟星娛樂主題為It's My Day的記者會,他宣佈與拍拖8年、36歲的女友陳美詩已在美國註冊結婚:「今日係一個重要嘅日子,我要宣佈一件人生重要嘅事,就係日前已經同Macy喺美國註冊結婚,但我哋都係Christian(基督徒),所以會再喺香港行禮,但確實日子未定。」他又感謝Macy無論順境逆境,一直在他身邊,所以決定送這首歌《It's My Day》給她。

「質量好」期待生B

其後大會推出一個結婚蛋糕,上面有Macy披住頭紗的樣,孫耀威揭起頭紗錫「新娘子」。對於生BB計劃,他說:「都想嘅,自己做晒檢查,仲係好OK囉!估唔到咁忙,質量都仲好好,Macy嘅應該都OK嘅。第一步做好老公本份,下一步係想有下一代,希望可以生多啲。」

孫耀威受訪時堅拒透露註冊日期,只說「都已經有一段時間」,提到在洛杉磯註冊過程,他自言是人生中最緊張的時刻:「緊張到連結婚戒指都唔記得帶,去到現場一路宣誓,緊張到全程耷低晒頭,唔敢周圍望。」他自爆3年前求婚原因:「由出道一路都係周圍飄泊,成日都好似一隻冇腳嘅雀仔咁,幾年前自己好唔開心,好想有條根。所以去咗瑞士,妹妹住嗰度,扮去旅行,當地有一間甜品舖係Macy好鍾意,去到包起成間舖頭向佢求婚。」他笑言想到要辦婚禮就好疲倦,但希望在今年內完成,地點仍未決定。



孫耀威跟陳美詩結束8年愛情長跑,有情人終成眷屬。



新公司星娛樂為孫耀威送上有陳美詩照片的蛋糕。



孫耀威昨為「陳美詩」揭起頭紗。

Macy笑老公大頭蝦

榮升人妻的Macy昨日透過WhatsApp回覆本報:「多謝你哋祝福,註冊就係開心事嚟,都係我哋兩個人生好有紀念一日,嗰日佢好搞笑好大頭蝦,唔記得帶戒指。亦都心情好緊張好驚,整體都係好開心、好浪漫嘅。」

其實上月本報已率先踢爆孫耀威與Macy到澳洲墨爾本大洋路拍攝婚照,當時他們仍否認結婚。前日上午11時,二人再被影到在北角影樓拍婚紗相,當時孫耀威帶着愛犬,同行3名助手負責拿禮服。見穿上禮服的孫耀威在窗邊指手劃腳頗為緊張,而Macy換上婚紗後就自顧整理裝扮。兩人影到近下午5時半才離開,助手先拖篋落樓,孫耀威與Macy隨後步出,之後駕車到銅鑼灣一加油站,再駛回陽明山莊停車場。

採訪:馬建華、陳俊強

攝影:梁繼光、朱志聰



陳美詩前日到北角影樓,換上低胸婚紗再影結婚相。



陳美詩(左)與孫耀威影婚照,亦有帶愛犬同行。



孫耀威與陳美詩(箭嘴示)上月被本報踢爆在澳洲崖邊影婚照。資料圖片


鍾意就快D Share啦!