2017年5月21日 星期日

花曼上身!爆乳王君馨Man抱新郎 __,君馨,花曼,王君馨,

呢輯婚照真係好有心思。藝人王君馨(Grace)與圈外男友Daniel結束愛情長跑,已簽字結婚的二人將於7‧11在港舉行婚禮。Grace透露特意選擇於拍 ...


呢輯婚照真係好有心思。

藝人王君馨(Grace)與圈外男友Daniel結束愛情長跑,已簽字結婚的二人將於7‧11在港舉行婚禮。Grace透露特意選擇於拍拖12周年紀念日行禮,正式退出「處女黨」!兩人日前更低調出發到布達佩斯及佛羅倫斯等,拍攝浪漫婚照。

只見Grace打破傳統,先以一套由Marco M Chan設計的西裝婚紗裙爆乳上陣,晒出深長事業線,依偎老公Daniel懷抱,流露幸福笑容。早前憑劇集《城寨英雄》「花曼」一角奪獎的她,自言與老公私下相處時會變得孩子氣,故拍攝時一度「花曼」上身,單手將老公抱住,盡顯功架。其後Grace換上一套喱士透視高衩裙,透出雙峰之餘更有42吋無敵美腿,畫面靚到似足拍廣告照。

行李唔到阻進度

Grace透露今次拉住老公去歐洲,一心圓在外國拍婚照的夢想,豈料過程困難重重。兩人到埗首日就遇上「人到,行李唔到」的情況,她接受東網訪問說:「今個trip非常難忘,因為我同Daniel都係第一次去歐洲。最辛苦係第一日去到布達佩斯,啲行李運唔到嚟,而我哋淨係得一日嘅拍攝時間,當日差唔多下午四點半喺酒店先攞到行李,好彩太陽落山落得遲,急急去影。」

錯估天氣凍到痹

她又稱因錯估當地氣溫而要冒寒拍攝,幸有老公送暖:「之前聽當地溫度好似係27度,但我哋到埗發現日頭得13度,溫差仲好大,夜晚剩番7度左右!我哋啲衫好薄,硬住頭皮去影,當然有Daniel喺我身邊都冇咁凍,但我哋都震到成個人硬晒,手指、腳趾都已經凍到麻痹!」

談到其「爆乳西裝婚紗裙」有別於傳統婚紗,Grace笑指尚有另一套婚紗正在製作中。老公Daniel曾表明不希望其嫁衣太過性感,故今次拍攝時性感上陣惹來途人望實,亦令老公睇唔慣:「我哋之後去佛羅倫斯,我着住套白色西裝裙周圍走,Daniel有少少唔慣咁多人望住我。其實套西裝裙唔係好暴露,雖然好緊身,但我覺得西裝最着到我嘅性格出嚟,比較瀟灑。」

Grace又發表愛的宣言,稱對婚禮相當期待:「呢次trip經歷咗好多unexpected嘅嘢,心情似坐過山車,無論係天氣、冇咗行李、拍攝啲景唔係我哋想像等,我發覺我想擺更多時間去了解Daniel多啲。可能分隔兩地太耐,我哋好似停留咗度蜜月或初戀階段,漸漸踏入婚姻就覺得雖然認識好耐,但都好需要互相遷就、同行、同步。我非常熱切期待直到7月11號會發生嘅所有嘢!」


來源 source: http://hk.on.cc
鍾意就快D Share啦!
Related Posts Plugin for WordPress, Blogger...