2017年5月14日 星期日

母親節殺到 詩詩圓圓阿Sa鬥晒阿媽 __,阿Sa,高圓圓,圓圓,蔡卓妍,

母親節母親大晒!!今日就係母親節,藝人們例牌都會網上晒阿媽,童年照、新照、送花、送吻樣樣齊,今次就有汪詩詩、汪圓圓兩姊妹、蔡卓妍(阿Sa)加埋李克勤, ...


母親節母親大晒!!

今日就係母親節,藝人們例牌都會網上晒阿媽,童年照、新照、送花、送吻樣樣齊,今次就有汪詩詩、汪圓圓兩姊妹、蔡卓妍(阿Sa)加埋李克勤,喺社交網大晒同媽媽嘅合照,當中詩詩仲晒埋佢畀一對仔女啜啜自己面珠嘅合照,真係Sweet到呢。

詩詩圓圓兩個都分別上載咗佢哋提前慶祝母親節嘅合照上網,三個人手上都拎住大紮鮮花,當中詩詩圓圓左右夾攻錫錫媽咪,圓圓仲大爆原來啲靚花係姐夫甄子丹悉心準備,又笑言佢哋三個都做咗人阿媽,真係甜到漏。而詩詩就上載同一對仔女嘅合照,仲大嗌佢哋係「My everything ❤(我的全部)」睇嚟呢個飯局溫馨指數真係高到爆晒燈。

至於阿Sa就晒自己細個同Sa媽嘅合照,簡單一句:「Happy Mother's Day ❤️」交代,不過佢都好有心Hashtag自己首歌《妹妹》歌詞:「#寧願媽媽你是妹妹 #愛玩就玩有我照顧你」又有歌又有合照,Sa媽實冧啦。

李克勤就上載同老婆盧淑儀、李媽媽、盧媽媽同契媽梁舜燕齊齊收花食Cake嘅合照,見各位媽媽都手拎解花,不過就似乎漏咗盧淑儀嗰份,唔知克勤係咪有咩特別禮物送畀老婆呢?


來源 source: http://hk.on.cc
鍾意就快D Share啦!
Related Posts Plugin for WordPress, Blogger...