2017年5月12日 星期五

SG為爭仔分裂 Yanny赴美見男友家長 __,

Yanny早前陪有米音樂監製Gareth到美國見家長,而Heidi卻消失活動中。女子組合SuperGirls(SG)成員Yanny與Heidi日前被東 ...


Yanny早前陪有米音樂監製Gareth到美國見家長,而Heidi卻消失活動中。

女子組合Super Girls(SG)成員Yanny與Heidi日前被東網率先爆因先後與有米音樂監製陳考威(Gareth)拍拖而擘面,除了Heidi在社交網站取消關注Yanny外,最新消息是向來與Yanny最老友的Jessica亦被發現與Heidi及與Heidi最熟的Aka互相取消關注,似乎已由兩位成員不和升級至兩派內訌,當中只有Cheronna保持中立,被封親善大使。而Yanny、Jessica與Cheronna今日三缺二出席時裝品牌活動,剛巧Heidi及Aka都未有現身,令組合分裂一事更加似層層!

即時取消關注

受訪時,三女一開始笑言是想吸引大家注意,後來才解釋品牌早已安排好今個月的活動,只有她們三人現身,而Heidi與Aka則負責下個月的宣傳,堅稱她們並非不和。講到Jessica與Heidi及Aka互相取消關注,Jessica坦言因她們在一年多前曾經嗌大交:「其實都係網民講我先記得大家unfollow咗呢件事,係因為嗌交嘅,個原因好無聊㗎,係為咗請人食咩菜而嗌交,但好快冇事。冇follow番係因為尷尬,好似好瘀咁,但我覺得有冇follow唔係咁大件事,我識打佢哋個名,都會睇佢哋啲嘢同留言。」

揀男友各有所需

有指公司臨時要Heidi出埠工作避風頭,她們即搞笑說,自己也渴望出埠開工,希望公司安排。問Heidi現時是否與時裝店高層拍拖?三女均表示不知情:「我哋有時會問大家有冇拍拖,可能因為佢着好多時裝,就話佢同時裝店老闆一齊。」

Cheronna笑言想要個飲食界男友,Jessica即指想要金融界男友。至於隊中是否只有Yanny有拖拍?Yanny笑說:「真係唔好意思吖。」Cheronna表示有好消息會跟大家講,Jessica則說:「可能我下次就係宣布結婚呢!」

Yanny讚男友Open

而Yanny之前與男友Gareth到美國旅行,問是否已見對方家長?Yanny就拖其他成員落水,表示大家都見過Gareth的家人:「因為我哋之前成日玩,佢妹妹都同我哋好friend,我哋又會上佢屋企打邊爐。(以女友身份見?)都有嘅。(男友好撐你喎。)多謝晒。」

一講到男友,Yanny明顯變得寡言,Jessica即為她解圍說:「佢好怕講感情事,係好怕肉麻嘅人,一講到呢啲就會放空。」問Gareth面對Heidi可會尷尬?Yanny說:「佢個性相當搞鬼,應該唔會,之前我哋成日一齊做嘢,都冇乜嘢。」講到SG下次合體,Cheronna指應該要待她完成舞台劇之後,而Jessica表示她們對上一次合體是上星期的事。


來源 source: http://hk.on.cc
鍾意就快D Share啦!
Related Posts Plugin for WordPress, Blogger...