掃呢頁CODE去手機

2017年5月24日 星期三

Super Girls:Yanny主動攬攬 Heidi勁尷尬唔多願意 __,Super Girls,李靜儀,Heidi,

尷尬到冇朋友!組合SuperGirls五缺一出席化妝品牌活動,是Yanny及Heidi爆出爭「有米監製」陳考威(Gareth)反目後首次碰頭,而Che ...


尷尬到冇朋友!

組合Super Girls五缺一出席化妝品牌活動,是Yanny及Heidi爆出爭「有米監製」陳考威(Gareth)反目後首次碰頭,而Cheronna則未有到場。在活動上,SG影大合照,Jessica刻意企中間,故意隔開Yanny及Heidi,其中較友好的Yanny及Jessica一起企,而Heidi及Aka則一起企。

受訪時,記者叫她們大兜亂位置,叫Yanny及Heidi一同企中間,全程Yanny表現大方,反而Heidi則不時冷笑,又用身「得」住Yanny。之後記者要求聲稱姊妹情深的Yanny及Heidi攬攬,Yanny伸出右手攬住Heidi,但Heidi則沒有同樣伸出手,記者即謂她不攬人,Heidi才攬攬Yanny,而Yanny亦有主動握Heidi的手。

自認小學雞

SG一齊受訪時,Yanny成個傻大姐哈哈笑,而Heidi全程都刻意保持住笑容,更有備而來即說:「冇事,我哋不嬲都冇事。(話你哋爭仔不和?)唉,冇事,之前係有鬧過,所以unfollow大家,不過依家follow番。」行為似小學雞?Jessica即擋架說:「係呀,我哋好幼稚。」Yanny和應說:「我哋真係好小學雞。」

不和因為嘈食乜菜

Jessica解釋她們鬧交真的是好小的事,Heidi搭嘴:「過咗去嘅嘢唔想再提,我哋依家好開心,嚟緊會錄歌。(錄歌都是分開錄?)我哋好多時一齊錄,有啲就分上下晝。」會否搵陳考威繼續做音樂?作為女友Yanny雙眼發光說:「當然有啦,只要係好音樂我哋都會合作。(錄音時咪好尷尬?)唔會,有咩好尷尬喎!」記者再追問Heidi是否因為爭仔而唔開心?她說:「唔係。」Yanny再插嘴:「我哋鬧交真係好無聊。」Jessica再補充說:「真係為咗請人食飯而鬧交,研究緊食乜菜,大家get錯意思令大家有誤會先發生搞成咁。」

Aka冇嘢講

Jessica被記者笑她用「菜」來形容仔都幾貼切,Heidi搶答說:「當時鬧交大家好辛苦排練,大家都好躁,大家冇嘢,我哋五條心一齊工作。」記者叫她們在鏡頭前啜啖,Yanny聽罷即刻騎騎大笑,但Heidi就擺出一副冷笑,Yanny說:「咁樣咪仲假。」有指今日兩人交足戲,Yanny即抵死主動伸手跟Heidi握手,但Heidi好似不多情願,而平日最多發言的隊長Aka就全程擺出一副不肖像,木無表情。

是否經理人公司要她們將不和事淡化?Jessica說:「話時話公司真係話我哋好幼稚,一唔鍾意人就unfollow人,其實我哋真係好小學雞。」隊長Aka有否做和事老?Aka自爆說:「我哋五個女坐定定去傾,有共識,大家個心係一致做好Super Girls,我哋會團結去做,條路走得幾多得幾多。」她們表示目前唱片巿道不好,大家都要團結,難道她們搞是否為了谷人氣?有巿價賺錢?她們即哈哈大笑:「係呀,總言之我哋依家要爭氣。」

-------------------

東網已全面支援360影片及相片,讓你全方位睇盡新聞大事,恍如置身現場,立即登入東網360網頁: http://on.cc/360/

如仍未更新東網App,請按此連結收睇360影片: https://goo.gl/zoQ94n


來源 source: http://hk.on.cc
鍾意就快D Share啦!