掃呢頁CODE去手機

2017年5月17日 星期三

【新VS舊】先後冧掂唐詩詠 盧啟邦洪永城有幾大分別? __,唐詩詠,洪永城,

儘管愛情唔可以用條件去衡量,但要冧掂有「絕世好女友」之稱嘅唐詩詠,外型、人品應該點都有番咁上下,唐詩詠舊年除夕時提過自己嘅擇偶條件,佢話:「專一,我好 ...


儘管愛情唔可以用條件去衡量,但要冧掂有「絕世好女友」之稱嘅唐詩詠,外型、人品應該點都有番咁上下,唐詩詠舊年除夕時提過自己嘅擇偶條件,佢話:「專一,我好堅持一定要專一,呢樣係好基本嘅嘢!我知道自己未必識睇人,不過最緊要係識得睇啱我嘅人,我知道我一定會搵到個好錫我嘅人!」(新聞連結: http://bit.ly/2qrgFPQ )冇錯,冇咗唔識貨嘅崔建邦,換上洪永城,家陣仲多咗個盧啟邦,到底呢兩個人喺表面條件仲有咩差別?現年33歲嘅洪永城,喺有線電視出身,主持旅遊節目起朵,其後過檔到now TV,最後於2012年簽約無綫,拍過《走過烽火大地》等旅遊節目,之後又拍過《愛我請留言》、《張保仔》及同唐詩詠嘅定情作《載得有情人》等劇集。過往傳過緋聞嘅,重點係洪永城個好拍檔黃翠如,仲有約跑步嘅蔡思貝,另有指佢同唐詩詠拍拖期間,翻撻形象指導舊愛Bird Tse。至於「新歡」盧啟邦,現年37歲,喺財經界打滾多年,其後獲邀加入太陽城集團當集團首席投資總監,今年初他獲委派進入集團旗下上巿子公司太陽世紀集團董事會成為執行董事,係太陽世紀集團主席周焯華(洗米華)嘅愛將。緋聞女友唔少,包括前港姐許亦妮,以及何佩瑜(Jeana)、蔡一鳳、「E Cup超蓮」鍾采羲等,不過盧啟邦否認部分緋聞。By the way,好似寫漏咗一個,就係唐詩詠個契哥馬國明,不過唔同category,今次就唔提馬明BB喇。


來源 source: http://s.nextmedia.com
鍾意就快D Share啦!