2017年5月10日 星期三

Yanny撻有米舊愛 Heidi嬲爆取消關注IG __,Heidi,李靜儀,

搞成咁呀!女子組合SuperGirls(SG)人氣最高的Heidi(李靜儀)與隊友Yanny(陳穎欣)據聞為仔反目!有知情人士爆料指SG御用音樂監製陳 ...


搞成咁呀!

女子組合Super Girls(SG)人氣最高的Heidi(李靜儀)與隊友Yanny(陳穎欣)據聞為仔反目!有知情人士爆料指SG御用音樂監製陳考威(Gareth),早於2014年已與Heidi秘密拍拖,兩人曾結伴到台灣旅行,惟Heidi當時死口不認戀情。拍拖一年後,有指Gareth不滿Heidi的「港女」性格提出分手,不久後卻被發現與其好姊妹Yanny撻着,一直耿耿於懷的Heidi得知兩人相戀後,即時取消關注Yanny的Instagram(ig)帳戶,正式擘面!

美國密會

Yanny與Gareth早就在社交網「洩蜜」,今年3月,兩人不約而同飛往美國洛杉磯密會,雖然刻意只上載風景相及單人照,但心水清的網民早就識破他們身在同一地方,據知Gareth更藉美國之行帶女友見家長,介紹Yanny給當地親友認識。至於Gareth上月生日,Yanny則專程陪男友飛日本慶祝,兩人沒有上載任何合照,以免戀情曝光,卻有意無意各自上載當地旅遊照,同樣在櫻花樹下拍照留念!Yanny早前又孖男友睇容祖兒Side track演唱會及台灣歌手陳綺貞的九展個唱,兩人在後台分別與偶像合照。Gareth最近又忍不住在社交網與Yanny隔空傳情,眼見女友去年底在工廈後樓梯的黃色梯級拍照,他竟照辦煮碗,在同一梯級拍照放閃!

拍咗段時間

Yanny接受電話訪問,被問到與Gareth秘遊美國及日本拍拖,她愕然地說:「點解你會知?」其後大方承認戀情:「唔係拍咗好耐,但有一段時間。(點解唔公開?)大家正正常常拍拖,但都想感情事低調,唔會特登公開同人哋講。」盛傳她與Gareth拍拖激嬲Heidi,兩人因而反面?她說:「佢冇咩好嬲。(佢Unfollow你ig?)我知道,都係人哋見到通知我。(激嬲咗佢?)我激嬲佢可能有好多原因。」她否認是「第三者」:「梗係唔係,我同Gareth開始Friend,佢已經係單身。」並表示不相信拍拖會影響她們的感情:「大家都係做嘢,佢哋嘅緋聞係好耐嘅事,Heidi係好女仔,應該得到人愛。(佢好似有拖拍?)我唔知。」

激讚男友

對於Gareth被形容為富二代,她即大讚男友有愛心又孝順,對工作充滿熱誠:「最開心佢唔係一個計較嘅人。」有指男友貌似花弗,她處處維護:「我都戥佢慘,嗰陣都係緋聞啫,我認識嘅佢係一個看待感情嘅人,從來唔會為感情講啲乜!佢好保護女仔,佢係幕後人,覺得清者自清,大家唔好誤會佢。」至於Heidi仍未回覆。


來源 source: http://hk.on.cc
鍾意就快D Share啦!
Related Posts Plugin for WordPress, Blogger...