掃呢頁CODE去手機

2017年6月8日 星期四

聽話有得撈 一個月減 10磅肉  36歲甄詠珊入大台做張穎康阿媽 [壹週刊 - 1422] __,甄詠珊,TVB,大台,張穎康,M1,

娛樂偵訊聽話有得撈 一個月減10磅肉 36歲甄詠珊入大台做張穎康阿媽前女子組合Freeze成員甄詠珊10年離隊轉投亞視,更拆彈由Dcup變Bcup,之 ...


娛樂偵訊

聽話有得撈 一個月減 10磅肉  36歲甄詠珊入大台做張穎康阿媽

前女子組合 Freeze成員甄詠珊 10年離隊轉投亞視,更拆彈由 D cup變 B cup,之後傳出婚訊,不過臨門撻 Q,復出娛圈的她,去年底簽無綫由新人做起。為爭取機會,甄詠珊聽話先減十磅肉,瘦完身,再做埋細她一年的張穎康後母,好使好用。

珍姐下令唔好肥落去

初到無綫報到的甄詠珊,未拍完《誇世代》,即有機會入組新劇《燦爛的外母》,劇中同六十七歲的威利一對,更榮升阿媽級,做埋細她一年張穎康後母。電視劇開鏡,一家三口更齊齊影合照。

「阿珊好聽話,佢入無綫第一部劇拍《誇世代》,開鏡嗰日見到珍姐,俾珍姐話咗一句唔好再肥落去,自動自覺即刻減肥。佢開始只係戒食油鹽同食烚雞肉,不過唔多見效,要加埋運動,一個月減咗十幾磅,之前一百一十磅,依家唔夠一百磅。」身邊人透露。

未拆彈前,甄詠珊不介意著三點式出鏡騷身材。

上週,本刊拍到她在尖沙咀一間時裝店試衫,之後一個人在商場門外心急等人。

上週《燦爛的外母》開鏡,剪短髮的甄詠珊著貼身裙出席,騷減肥後成績。

新劇跟威利做一對,二人年紀相差 31年。

在新劇, 36歲甄詠珊做 35歲張穎康嘅後母。

李佳芯令她自卑

甄詠珊自言入無綫後,見到大部分女藝人都係「紙板人」,尤其遇到跟她第一次合作的李佳芯,「佢話企喺李佳芯隔籬就好自卑,因為佢好瘦,阿珊手臂做得佢兩隻,不過咁樣上鏡先叫啱啱好。」知情者說。

唔想在一班奀妹前變大山婆,其後加碼每日做夠粒半鐘運動減肥肉,三十六歲的她,更加唔介意做阿媽角色。

「無綫啲中女姐仔賣少見少,就算好似佢咁三十幾歲嘅年紀都唔多,加上阿珊抵得諗,好似新劇做威利哥女友,之後做埋張穎康阿媽,佢都冇 say no。大台啲女仔好多都驚做阿媽,有啲場口仲要化淡妝,阿珊份人易話為,所以入去唔夠半年就接咗兩部劇。」知情者說。

對於跟甄詠珊在劇中做情侶,威利唔覺二人外形相差一大截,他說:「都唔係嘅。做戲磨合吓,溝通吓。」問他有否察覺甄詠珊減了十多磅,他十分贊同:「要做嘅,呢個係演員本錢之一,工作之一嚟。」

李佳芯同甄詠珊在《誇世代》第一次合作,有指「紙板人」李佳芯令她覺得非常自卑。

早前出席梁麗翹婚禮,減肥有少少成績的甄詠珊已經唔再係大山婆。

未簽大台前,甄詠珊曾經出過單曲,並接受阮兆祥訪問。

以組合 Freeze出道,成員 Ally(左)已經結婚改行教畫畫,石詠莉(右)則做全職歌手,她則專心拍劇拍電影。

撰文、攝影、攝錄:娛樂組


鍾意就快D Share啦!