掃呢頁CODE去手機

2017年6月22日 星期四

揸 11間美甲鋪 闊太文雪兒減 12磅 自薦《溏心 3》做串星 [壹週刊 - 1424] __,雪兒,文雪兒,M1,

57歲文雪兒自言減肥前(小圖)圓潤如薛家燕,現在她收身十二磅客串《溏心風暴3》,狀態甚佳。名人動態揸11間美甲鋪 闊太文雪兒減12磅 自薦《溏心3》做 ...


57歲文雪兒自言減肥前(小圖)圓潤如薛家燕,現在她收身十二磅客串《溏心風暴 3》,狀態甚佳。

名人動態

揸 11間美甲鋪 闊太文雪兒減 12磅 自薦《溏心 3》做串星

現年 57歲的文雪兒, 16歲出道擔正女一,邵氏年代跟已故傅聲合作多部武俠片,後來轉投麗的成為哥哥張國榮的熒幕情人, 91年淡出娛圈做人妻,千禧年玩票性質開美甲店,將擴展到十一間。

13年曾被邀復出在《巨輪》做于洋老婆,最近又戲癮急 call,她減十二磅自薦返大台拍《溏心風暴 3》,雖然凌晨一點開工,清晨四點收工,但她說:「我拍得好開心。」

元秋反對接劇

文雪兒目前開了九間美甲店,九月再有兩間新店開張。生意上了軌道,做了十七年老闆的她,生活悠閒寫意,突然簽約無綫復出拍劇,她說全因年初跟一班朋友聚會。

「有日同亞視班舊同事傾偈,佢哋叫我減肥,我當時覺得減肥有咩用?都冇嘢拍,冇人搵。佢哋話人哋點會無端端搵你,以為你做少奶奶唔想做,你有興趣就主動搵吓人。快啲搵(劉)家豪哥,佢返咗 TVB呀。咁第二日我就搵家豪哥,佢話會記錄在案,因為當時《溏心 3》已經定晒人,加上去到第三集,重新安排我去做一個角色有難度。」文雪兒說。

相隔沒幾天,她便獲安排一個客串角色,不過胞姐元秋卻說「拍乜鬼啫,又唔係等錢使」,她倒認為是良機,可以試水溫,看是否適應今日的拍攝方式。

「最初我都驚唔知出面嘅人點諗,但之後又有另一個想法,就因為唔等錢使,可以嘗試拍一部少戲份嘅電視劇,冇咗呢個心魔,開工開得好開心好舒服。不過冇拍戲咁多年,究竟自己體力同記憶力仲得唔得,倒不如由少(戲份)開始,起碼唔會搞到人哋成日 NG。」她坦言。

元秋是文雪兒三家姐,她指元秋陪朋友去為《功夫》試鏡,結果她的擔煙樣反而被周星馳睇中,但她言明自己不能受氣,叫星爺千萬不能鬧她,而她「證實」元秋確係可以擔住煙講嘢。

文雪兒和胞姐元秋非常好感情,因為元秋自小湊大她。

文雪兒以前曾跟劉家豪和梅小青(後右一、二)合作,今次復出是她向劉家豪自薦的。

由麗的到亞視年代,文雪兒均是當家花旦,甚為「入屋」。

文雪兒曾跟張國榮合作,在古裝劇《浣花洗劍錄》演情侶非常合襯。

肥到一百三十二磅

同時她開始減肥大計,她說:「我向來比較瘦,得八十幾九十磅,不過之前去到一百三十幾磅,咪的起心肝減肥。我係用自然方法減,而家 total減咗十一、二磅,睇起上嚟都精神咗。」

今次收身成功,文雪兒自言全靠好友 Doctor Chan介紹的和諧能量波:「用咗呢個產品睡眠質素好咗,身體好咗,唔使特別食少啲嘢都幫到 keep fit。」

文雪兒的大女 Christy(中)和細女 Jennifer(右)都是靚女,剛在英國完成碩士課程的 Christy,連玩閃避球也玩得出色過人,去年被新加坡邀請到當地比賽,今年再被選做港隊代表。

元秋(右)和文雪兒(左)經常一起去旅行,兩姊妹都生活得很好。

凌晨開工捱通頂

開工第一日,文雪兒凌晨一點埋位,清晨四點收工,習慣早睡早起的她,又得重頭適應。她懷念往昔拍戲的日子說:「我好唔捨得喺娛樂圈嘅日子,因為我好鍾意做戲。以前同張國榮、關之琳一齊拍戲,開工嘅時候已經好開心,放工會一齊去食飯,有時會打牌,有時去 disco,成班後生有講唔完嘅話題。」

拍檔先後離世

提到舊拍檔張國榮和鍾保羅先後離世,她說:「鍾保羅好 nice,佢走咗,係會唔舒服、難過,我記得佢走前,有打電話俾我,完全一句都冇提過,只係普通閒偈。至於張國榮,我睇到報紙先知道,當時毛管戙。或者佢哋都鍾意收埋,女人會講俾閨密聽,講吓講吓就冇咁難受,搵人開解就唔會鑽入死胡同,我覺得冇咩事係解決唔到嘅。」

家人十分支持她全面復出,細女 Jennifer一句「你都應該做番你想做嘅事」,令她十分窩心。老公知道她做事向來有分寸,所以給她百分百自由。而正在英國工作的大女 Christy,比她還要勤奮,當然舉腳贊成。攞正牌重投幕前,文雪兒愈忙愈開心!

張國榮和文雪兒外形合襯,二人的型男索女打扮至今也不覺 out。

由於跟鍾保羅相熟,他跳樓自殺前,曾致電文雪兒聊天,文指他當時並無異樣。

跟關之琳拍《甜甜廿四味》時,文雪兒(右下)對她驚為天人,而文雪兒在劇中跟鍾保羅演一對。

文雪兒和張國榮等拍劇時,工餘會一起吃飯、夜蒲,但陳秀雯和林國雄(左前、左後)向來有自己的小天地,較少參與。

文雪兒(中)曾是亞視當家花旦,跟當年外形甚弗的萬梓良(左一)時有合作。

父親張玉成(右二)是京劇演員,當年有份教導七小福,元秋(右一)和文雪兒(中)自小隨他學藝。

元秋(左)年輕時打扮甚潮,文雪兒則以靚樣見稱。

文雪兒當年跟米雪都是亞視台柱,關係卻甚友好。

平日斯文的伍衞國對住好友文雪兒便玩得開懷。

文雪兒婚後息影,專心成為建築師老公背後的女人。

03年慈善活動

文雪兒熱心公益, 03年跟潘冰嫦(右)和滕麗名出席慈善活動。

撰文、攝影、攝錄:娛樂組

場地提供: Nail Bar


鍾意就快D Share啦!