2017年6月21日 星期三

【獨家】鄧兆尊1拖3銅鑼灣嘆串燒 三女友做「街坊」為方便男友 __,鄧兆尊,兆尊,

慈善伶王新馬師曾(鄧永祥)過咗身已20年,佢同祥嫂洪金梅所生嘅4個仔女o依家感情仲好好,小艾負責做管家婆,兆榮就負責為家族資產做投資,最細嘅碧玉就學緊 ...


慈善伶王新馬師曾(鄧永祥)過咗身已20年,佢同祥嫂洪金梅所生嘅4個仔女o依家感情仲好好,小艾負責做管家婆,兆榮就負責為家族資產做投資,最細嘅碧玉就學緊中醫同命理。至於長子兆尊半息影後,工作上唔見有突出表現,但感情生活就非常精采,佢身邊經常有3個紅顏知己——Carmen、前助手車厘子同Claire相伴,而佢亦承認同佢哋拍緊拖,最好嘅係3位女友可以相處融洽(新聞連結: http://bit.ly/2lnGiA1 )。「御女有術」嘅兆尊日前以1拖3姿態去銅鑼灣食晚飯。日前(13號)晚上約8點幾,《蘋果》撞到兆尊現身銅鑼灣黃金廣場,佢仲帶埋3位女友一齊食日本串燒,佢哋一行4人喺餐廳逗留咗個幾鐘,佢哋食飯期間有講有笑,三女情如姊妹般互相照應,有時更會一齊講嘢頂撞兆尊,搞到佢好冇癮。兆尊一行人於晚上9點幾埋單走人,落樓後佢哋選擇步行返屋企,當行到灣仔鵝頸橋街市生果檔口,3女突然叫停兆尊,話要買水果,不過兆尊就冇自己落手揀生果,只係3女自己喺度左揀右揀,揀完之後,佢哋3個各自買咗一袋,然後兆尊就負責俾錢。買完生果後,兆尊同正印Carmen就向永祥大度方向行返屋企,而車厘子、Claire就同兆尊佢哋講拜拜後,向另一方向離開,沿途見到車厘子一路同Claire雞啄不斷,直到家門,車厘子再同Claire拜拜,Claire就過一條馬路返上樓,佢3位女友全部搬晒嚟灣仔,主要都係為方便兆尊。聽講兆尊盡量做到公平,一個禮拜裏面,佢會每個女友陪兩晚過夜,第7日就係佢自己私人時間,佢可以選擇自己一個人過。而3女都覺得合理,所以都同意呢個安排。

(採訪、攝影:羅德光、梁繼光) 兆尊日前同3位女伴喺銅鑼灣食飯醫肚,行路返屋企時,3女各自走位,一行4人好有氣勢。 Claire(左)雖然最遲「入門」,但都有發言權,沿路同其他人有偈傾。
行到去鵝頸橋街巿,3女「排位」有變,原本企最開嘅車厘子可以企兆尊隔籬,Carmen反而殿後。 行入街巿,3女買完生果,Carmen做番「主導」,企兆尊側邊。 買生果都一人一袋,永不落空。
等過馬路期間,兆尊好似有似唔耐煩,企到出一出,有啲危險喎! 車厘子同Claire送完兆尊同Carmen後,再自己行路返屋企。

來源 source: http://s.nextmedia.com
鍾意就快D Share啦!
Related Posts Plugin for WordPress, Blogger...