掃呢頁CODE去手機

2017年6月29日 星期四

方便四個仔女讀書 陳浩民月租 14萬李嘉欣老公何文田獨立屋 [壹週刊 - 1425] __,嘉欣,李嘉欣,李嘉,陳浩民,鍾嘉欣,M1,


探熱針方便四個仔女讀書 陳浩民月租14萬李嘉欣老公何文田獨立屋多仔公陳浩民跟老婆蔣麗莎結婚六年,五年抱四擁有三女一子,由北角半山搬紅磡過千呎單位,不過 ...



探熱針

方便四個仔女讀書 陳浩民月租 14萬李嘉欣老公何文田獨立屋

多仔公陳浩民跟老婆蔣麗莎結婚六年,五年抱四擁有三女一子,由北角半山搬紅磡過千呎單位,不過依然唔夠住,為要有足夠空間給仔女走動,以及方便一對仔女返九龍塘學校,陳浩民最近以 14萬租住李嘉欣老公許晉亨旗下半山壹號物業,面積兩千多呎兼有泳池。廿四孝老豆唔易做。

老婆鍾情淺水灣

本來一家租住紅磡千呎單位的陳浩民,自從去年三月細女 Victoria出世後,他開始部署再搬大啲,不過大部分時間在國內開劇,加上近年老婆蔣麗莎搞美容生意周圍飛,兩公婆留在香港時間不多,這個月才正式入住新屋。

「佢哋早排成日約地產去睇樓,睇過好多地方,連香港區都睇埋,其實 Liza(蔣麗莎)鍾意淺水灣多啲,嗰度空氣好又有靚景,仲要租金冇半山壹號咁貴,不過最後陳浩民都扑鎚租呢度。因為佢試過朝早由紅磡送仔女返九龍塘學校,車程唔算遠,但已經覺得好攰好眼瞓,佢覺得小朋友日日咁返學都幾辛苦,所以寧願俾多啲錢住近學校,唔使仔女日日坐咁耐車先返到學校。」知情者說。

陳浩民租住的半山壹號業主是許晉亨持有。

半山壹號位於何文田,扑鎚搬新屋後,二人特地在何文田港鐵站拍照留念。

將新居其中一個 corner位 po上網。

蔣麗莎經常將仔女的萌照放上社交平台,大晒幸福。

努力搵銀交租

做老豆後,知道老婆湊仔辛苦,只要唔需要開工,甚少夜蒲的陳浩民大部分時間留在家,有時甚至做幾日全職湊仔公,給老婆

「自由時間」出外透透氣。

「佢兩公婆都好錫細路,每次出街盡量帶晒四個小朋友,都咪話唔吃力,不過搬入獨立屋有泳池地方又大,佢哋已經諗住暑假少啲出街,多啲請朋友返屋企游水開 party。浩民話要交咁貴租,更加要努力搵銀,近排少咗時間留喺香港,有咁大間屋都冇得享受。不過老豆賺錢仔享福,佢見到啲仔女咁鍾意新屋都開心嘅。」知情者說。

月初開始,蔣麗莎經常帶住三個仔女去游水,生完四個的她,身材依然弗爆。

三個仔女活潑兼精力充沛,會聯手「對付」老豆陳浩民。

只要有時間,陳浩民跟老婆一定會接送仔女返學。

蔣麗莎 po了一對仔女在家做「倒樹葱」照片,而三女 Bella更厲害,隨時在街也可以做「倒樹葱」,身手靈活。

撰文、攝影、攝錄:娛樂組

鍾意就快D Share啦!