2017年6月1日 星期四

陳展鵬轉溝單文柔 胡定欣謝晒 [壹週刊 - 1421] __,定欣,陳展鵬,展鵬,單文柔,陳展,胡定欣,M1,

大熱天時,胡定欣同陳煒一身古裝造型現身美孚公園拍外景。娛樂偵訊陳展鵬轉溝單文柔 胡定欣謝晒胡定欣與陳展鵬因合演《城寨英雄》而傳出緋聞,更雙雙成為視帝和 ...


大熱天時,胡定欣同陳煒一身古裝造型現身美孚公園拍外景。

娛樂偵訊

陳展鵬轉溝單文柔 胡定欣謝晒

胡定欣與陳展鵬因合演《城寨英雄》而傳出緋聞,更雙雙成為視帝和視后,被認定是圈中的金童玉女,點知殺出個「程咬金」,陳展鵬趁定欣出埠時,與落選港姐單文柔密會,胡定欣心情難免受影響。

適逢這段時間要拍重頭劇《宮心計 2深宮計》,胡定欣可以專心寄情工作,經常拍通頂連踩廿幾粒鐘,本刊發現胡定欣鏡頭前雖然表現專業,不過導演一嗌 cut機即刻成個謝晒。

瞌眼瞓

大台重頭劇《宮心計 2深宮計》,除了胡定欣、馬國明及馬浚偉等擔大旗,劇組仲重金禮聘周秀娜與劉心悠外援加入,據知為了遷就劉心悠同娜姐檔期,其他演員惟有捱義氣密集式通宵拍攝,早前馬明就大爆曾經連踩 27.5粒鐘,認真誇張!

同樣係主角的胡定欣佔戲極多,外景完要接廠景,搞到冇覺好瞓,早前她一身古裝造型的現身美孚公園為劇集拍外景,當日她要同陳煒演技大鬥法,作為視后的胡定欣喺鏡頭前表現專業,大半分鐘對白唔使 NG一 take搞掂,不過每次導演一嗌 cut機,胡定欣就即刻謝晒,仲不時用手捽眼提神,由於戲服通過古裝頭重量不輕,所以等埋位時,胡定欣都費事四圍走,寧願企定定發呆,其間陳煒見胡定欣等到黑晒面,就講爛 gag撩佢傾偈,胡定欣先識笑番!

為咗遷就心悠同娜姐兩個外援檔期,作為主角的定欣要經常捱義氣日日通頂拍攝。

幾乎日日開通頂,無覺好瞓的定欣忍唔住捽眼提神。

未正式 roll機,胡定欣不時發呆。

捽眼捽到個妝花晒,胡定欣親自補妝。

抽空見閨蜜

日日忙住開工,最近又要去橫店趕戲,胡定欣為了拍劇幾乎斷六親,但無論點忙都會爭取時間同班「胡說八道會」閨蜜見面,日前她趁有空檔,仍然以皇后古裝頭造型去會合胡杏兒、胡蓓蔚、黃智雯、姚子羚同李施嬅嚟個 Happy Saturday,順便慶祝胡杏兒做媽咪。

「胡說八道會近排要齊人都好難,因為個個分別忙住拍劇登台,不過胡杏兒依家有咗,個個姊妹都好戥佢開心,知唔知收工幾攰都爭取時間飛出去 join佢哋,上橫店之前班姊妹又幫佢搞 farewell!」胡定欣身邊人說。

上週在定欣出發橫店拍攝前,「胡說八道會」姊妹們齊齊陪定欣餞行。

早前,胡定欣拍劇中途有空檔,她連古裝頭都唔拆就趕去同「胡說八道會」姊妹會合。

同陳展鵬呢頭撻着,轉個頭陳展鵬竟然趁定欣出埠帶單文柔上山頂密會,令二人戀情告吹。

撰文:娛樂組

攝影、攝錄:李溢敏、蕭敬漁、森美


鍾意就快D Share啦!
Related Posts Plugin for WordPress, Blogger...