2017年6月15日 星期四

又嚟《蘭花刼》 失婚唐寧返大台搵錢養仔女 [壹週刊 - 1423] __,大台,唐寧,TVB,M1,

雖已是兩孩子之母,但唐寧狀態不俗,相信返大台不愁工作。探熱針又嚟《蘭花刼》 失婚唐寧返大台搵錢養仔女同舞台劇才子鄧偉傑10年結婚,育有一子一女,唐寧上 ...


雖已是兩孩子之母,但唐寧狀態不俗,相信返大台不愁工作。

探熱針

又嚟《蘭花刼》 失婚唐寧返大台搵錢養仔女

同舞台劇才子鄧偉傑 10年結婚,育有一子一女,唐寧上週宣布婚姻玩完。撞正她的倉底劇《蘭花刼》劣評如潮,曾勵珍唔順氣,計劃搵《蘭花刼》幾位女角再拍新劇,一雪前恥。獲珍姐急召,失婚唐寧順勢返大台搵錢養仔女!

唔信邪開多部

十年前的《蘭花刼》接 4K劇《不懂撒嬌的女人》棒,上週六(十日)平均收視跌到十五點六。被網民笑到面黃,帶領戲劇組的珍姐誓要省番靚個招牌。

「珍姐覺得蘇玉華、田蕊妮、唐寧同胡定欣啲戲幾好,加上女性劇有捧場客,冇理由唔得嘅。佢覺得喺邊度跌低,喺邊度企番起身,想搵幾個女角再拍新劇,今次要搞得好好睇睇,塞住大家把口。」無綫中人表示。

十年倉底劇《蘭花刼》出土,慘成箭靶,難得曾勵珍相信自己的眼光,決定搵幾個女角再拍多部女性劇。

先後戀上鄧偉傑,蘇玉華和唐寧的對手戲特別有火花。

田蕊妮和唐寧在《蘭花刼》表現不差,可惜收視沒起色。

積極復出拍嘢

碰巧唐寧婚變,六歲長子俊俊和兩歲次女嗡嗡交由她照顧,為給他們最好的生活,唐寧近期努力收身,希望以最佳狀態示人。

「 Leila(唐寧)一向愛情至上,揀男友同老公重才氣,唔重財氣。鄧偉傑喺劇壇有啲地位,但搵錢唔多。 Leila之前幫 HKTV拍劇幫補下,私己唔多,所以佢依家想積極接 job搵錢。佢兩個仔女都係食人奶,過去比較困身,依家細女嗡嗡已經兩歲,佢覺得可以俾多啲時間出嚟拍嘢。」知情人說。

事實上,離婚後唐寧和子女由大埔村屋,搬到同區的嵐山居住,開支不少。幸好有母親幫忙打點,令她壓力大減。

唐寧很愛錫六歲長子俊俊和兩歲次女嗡嗡,一直親自照顧他們。

有傳唐寧秘交新歡,但鄧偉傑仍希望她回心轉意。

唐寧跟鄧偉傑演舞台劇撻着, 10年結婚後專心做賢妻,可惜難敵七年之癢。

鄧偉傑想挽回

對於有傳唐寧秘交新歡,令婚姻破裂,鄧偉傑一直選擇沉默。其實直至唐寧宣布離婚前,他仍在癡癡地等,希望有挽回的機會。二人分居後,男方不時在網上轉發唐寧的公益宣傳短片、親子 blog,甚至唐寧兒時拍的廣告片,不知情的友人也留言取笑他迷戀唐寧。

而為了低調過新生活,近日不見唐寧在新居出入,相信她有心避傳媒。

分居後的唐寧搬到大埔嵐山跟媽咪同住,以往少曝光的唐媽媽,近年亦有陪女兒出席活動。

唐寧去年暑假帶住兒子出席二手童裝騷,當時已經分居的她,未有任何異樣。

唐寧開工作室教人做有機番梘,早前她在中環開 pop-up store賣番梘。

15年,唐寧被拍到一個人幫仔女買拖鞋。

鄧偉傑兩度陷三角關係

跟唐寧拍檔《蘭花刼》的蘇玉華,近日被報導踢爆曾經跟鄧偉傑有一段情,才子是她的初戀情人。蘇玉華多年前曾經憶述,跟對方拍拖五年,男方提出分手時,她曾苦苦哀求,但男方堅持並敷衍有機會復合,備受情困的她因而暴瘦十幾磅。

蘇玉華後來搬到男友樓上居住,希望製造復合機會,最後發現原來男方早有第三者,有指第三者是電影《 29+1》導演彭秀慧。被背叛的蘇玉華用對方的鎖匙入屋盡情破壞,然後在枱上留下「不拖不欠,各走各路」八字,一刀兩斷。

不過有指這段三角戀有另一版本,當年蘇玉華先劈腿,瞞住潘燦良跟鄧偉傑拍拖,對留學法國的鄧偉傑更欣賞的她,最後二選一揀了才子。被退出的潘燦良對她不瞅不睬數年,直至鄧偉傑移情彭秀慧, 96年,餘情未了的蘇、潘又再復合。

一打七

圈中不少單親媽咪離婚後唔靠男人,獨力養仔女,羅霖同趙頌茹都係一個打七個做幾份工,好捱得。

羅霖

47歲主動提出離婚的羅霖,當日一蚊贍養費都冇攞,但堅持照顧三個仔,為要準備大仔出外讀大學及三個仔生活費,羅霖積極搵銀,先在朋友投資公司打工,依然弗爆的她,其後不單被邀拍戲,更出埋寫真集。有人氣自然有財路,羅霖之後投資酒莊,又接拍大台電視劇《宮心計 2》,愈撈愈多瓣數。

趙頌茹

14年因第三者介入及不再忍受家暴,阿 Yu提出離婚獨力湊兩個女,繼續做幕前工作外,模特兒出身,對潮流有觸覺的她,又開網上時裝店,女兒開始入讀小學,她增值學定化妝,隨時有機會撈多一瓣。

撰文、攝影、攝錄:娛樂組


鍾意就快D Share啦!
Related Posts Plugin for WordPress, Blogger...