掃呢頁CODE去手機

2017年6月29日 星期四

身兼三職 狄易達食住《安樂蝸》大搞裝修配對平台 [壹週刊 - 1425] __,狄易達,M1,

開業初期他在觀塘租了千呎寫字樓,合共五個拍檔。娛樂偵訊身兼三職 狄易達食住《安樂蝸》大搞裝修配對平台28歲的狄易達,既是藝人,又開跳舞學校!三十未出頭 ...


開業初期他在觀塘租了千呎寫字樓,合共五個拍檔。

娛樂偵訊

身兼三職 狄易達食住《安樂蝸》大搞裝修配對平台

28歲的狄易達,既是藝人,又開跳舞學校!三十未出頭已經成功創業。有計的他最近食住代表作節目《安樂蝸》的人脈,搞設計裝修配對平台 Spaceplan,真真正正幫人打造安樂窩。

做邊瓣就要搬出邊瓣專業,對住鏡頭總是扎扎跳的狄易達,今日坐定定同你講生意經。

做節目見證爛尾裝修

狄易達主持 J2台的《安樂蝸》七年,見證唔少鏡頭後業主曾因裝修爛尾的申訴,同時又認識不少有質素的設計師及裝修師傅,人脈網絡及市場空間觸發他的商機,決定孖幾個拍檔開裝修配對公司。「做呢個節目,令我同一班好嘅設計師、裝修熟咗。我睇過市場統計,單係一五年香港做家居設計裝修,就用咗三百幾億,計埋 office、工廈係五百幾億。

09年成立「狄易達軍團」跳舞班底,當時他只得廿歲。

背對鏡頭的客人余先生,話幫襯狄易達並非因明星效應,而是 buy其理念。

望做同行龍頭

「若可以做到呢類平台嘅龍頭,只佔兩個%,已經係一個大金額。其實裝修好似結婚一樣,一生人可能經歷一或兩次,加上好多時業主同裝修一方有咁多拗撬,呢個統籌顧問好緊要,有得做。我嘅班底集齊設計、裝修及會計經驗嘅人,可以為客人及裝修兩家取得平衡判斷。依家有啲新樓客,最開心係有連鎖式大公司都搵我哋。」坐在辦公室,二十八歲的狄易達唔係單靠明星效應搵飯食,開口埋口都是一堆做足功課的統計數字,已有天使投資基金助創業,他現極積再搵投資者擴充業務。

呢個係現實版安樂窩。當日狄易達與拍檔到客人單位度尺寸,幫他物色合宜的裝修及設計師。

網紅火雞姐,是狄易達跳舞學校導師,也是他的班底之一,兩人亦師亦友。

用服務取勝光環

做咗七年嘅節目《安樂蝸》。

新生意投資六位數字,開業四個月,預計九個月後可回本。一身兼三職,狄易達日瞓三、四粒鐘。拍攝當日,客人余先生上門幫襯。問他是否因狄易達之名而來,他說:「我上網搵到呢間公司時,唔係因狄易達個名幫襯,而係 buy呢個平台理念。我要搞裝修,但工作繁忙冇時間跟進,我需要有人幫我搵唔同設計裝修格價比較,佢哋(狄易達)角色獨立,又幫我跟進埋,收費又合理。」

阿 Bob敲門

狄易達亦有投資食肆。

藝人身份做生意,有辣有唔辣,狄易達要服務取勝光環。「我嘅身份有時令我幾尷尬。係,明星效應可能幫到少少,但坦白講我呢個唔係簡單買賣,而係一個時期幾長嘅服務,所以做好服務係最重要。」有否因利乘便,做埋藝人客,遇過裝修爛尾的王祖藍有冇向他求救?

他說:「祖藍冇,有其他藝人搵我俾意見,其中有阿 Bob!」

收費設上限

狄易達強調,若服務配對不成功,是絕不收費。近日他們再定新收費,成功的話會分兩部分,第一是收設計公司的劃一會員費,第二部分是監工服務,如統籌角色,會在第一期向客人收取 3-5%(整個裝修工程費用計算),視乎裝修工程及跟進有幾複雜。而收費亦設上限,每宗交易不會超過二萬五千元。

有風險

狄易達說:「試過傾好晒,最後埋班時客人自己聯絡個設計師,又或者設計師飛咗我哋嗰部分。其實呢個問題 day one開始已經諗到,但行行都有灰色地帶。最重要係我哋呢個平台點樣提供更好嘅顧問服務,多於我哋顧慮點樣唔俾佢哋走灰色地帶。」

撰文、攝影、攝錄:娛樂組


鍾意就快D Share啦!