掃呢頁CODE去手機

2017年6月29日 星期四

搣甩港姐偽高貴 吳海昕張敬仁超激同性愛撫舌吻 [壹週刊 - 1425] __,張敬仁,吳海昕,港姐,M1,


ViuTV搵來兩位前港姐吳海昕(右)及張敬仁(左)做外援,二人為挑戰演技不惜豁出去玩斷背情。探熱針搣甩港姐偽高貴 吳海昕張敬仁超激同性愛撫舌吻大台近年 ...



ViuTV搵來兩位前港姐吳海昕(右)及張敬仁(左)做外援,二人為挑戰演技不惜豁出去玩斷背情。

探熱針

搣甩港姐偽高貴 吳海昕張敬仁超激同性愛撫舌吻

大台近年專攻大陸人口味變得更加 CCTVB,竟然同時有兩檔大陸劇集《三生三世十里桃花》同《射鵰英雄傳》,就連佘詩曼同馬國明主演的《賭城群英會》,都係王晶同大陸的合拍劇集,完全唔係正宗港劇。

ViuTV就睇中大台呢項弱點,製作土炮劇集《賤民 20》,迎合番香港人口味,呢套劇搵來「男神」王宗堯及李佳芯男友陳炳銓( Danny)主演外,加埋兩位前港姐外援,分別有 14年「民間港姐」吳海昕( Sofiee)及與 13年陳凱琳同屆的張敬仁( Kendy)破格演出,大玩斷背同性戀,打茄輪及愛撫統統做齊,她們誓要撇甩港姐偽高貴形象。

拒絕簽大台

為闖電影圈和唱歌發展,吳海昕( Sofiee)同張敬仁( Kendy)選完港姐各簽約經理人公司,都唔願簽大台被綁死,搏一搏做影壇新人,今次她們一齊拍 ViuTV新劇《賤民 20》大玩黑色幽默,男主角係男神王宗堯同李佳芯男友陳炳銓,在劇中會有大量怪誕和重口味演出, Sofiee同 Kendy亦為挑戰演技不惜豁出去,大玩斷背情慾戲。

當中有一段戲講述 Sofiee在 Kendy熱烈追求下,竟然飛甩王宗堯由直變攣,早前二人為劇集開工拍激情床戲,正式開拍時,兩位女主角都冇要求清場,現場有十多位工作人員眼望望,雖然今次是她們處女拍親熱戲,但係他們都好 pro, Kendy主動發動攻勢引 Sofiee上床,之後 Kendy按捺不住主動出手愛撫 Sofiee情挑對方,最後二人情深一望,隨即忘我愛撫舌吻足半分鐘,由於要多角度拍攝,二人應導演要求嘴十多次,現場所見,第一次拍情慾戲的二人很有肢體默契,導演嗌 cut都唔識停,事後她們都嗌「爽」。

王宗堯同陳炳銓扮二人斷背嘴嘴,搞到 Sofiee及 Kendy笑到停唔到。

Kendy主動騎在 Sofiee身上情挑對方。

Sofiee在 Kendy熱烈追求下,飛甩王宗堯由直變攣。

無綫最近播出的《三生三世十里桃花》及《賭城群英會》都專攻大陸人口味, ViuTV睇中大台弱點,不停製作土炮劇集迎合港人口味。

唔期待錫男神

問到 Sofiee同 Kendy首次同女人打茄輪感受,她表示:「原來 Kendy嘴唇幾厚,好好錫!之前導演同我講話我同阿 Greg(王宗堯)會有床上戲,其實我就唔期待同阿 Greg,但係我就好期待同 Kendy,因為我第一次演 lesbian,第一次我就覺得可唔可以再嚟多鑊!」

而 Kendy亦稱:「估唔到我嘅熒幕初吻會俾咗 Sofiee!同女仔拍可以放好多,所以拍之前都無乜緊張,加上導演同 Danny(陳炳銓)俾咗一些意見我點演,都順利拍完呢場戲,後來睇番啲相先覺得其實幾激!」 Sofiee同 Kendy如今發展睇嚟唔錯,至少都叫做係劇集女主角,識得揀自己條路,先係美貌與智慧並重,好過繼續留喺大台分分鐘仲係做緊《愛.回家》入面嘅秘書甲乙丙,食緊過期道具食物,白白浪費大好青春!

13年參選港姐的張敬仁( Kendy),當年和同屆的三甲組合陳凱琳、蔡思貝及劉佩玥都屬熱捧人選,但 Kendy最後選擇唔簽大台,自己向外闖。

年初 Kendy有幸和江美儀和羅孝勇等合作拍微電影《思覺危情》。

飾演有思覺失調的 Kendy在電影中喊到癲。

早前,曾被封「民間港姐」的吳海昕就在《乒乓》 MV中成為張智霖及坤哥的追求對象。

陳炳銓在《賤民 20》中攬女上床,但他表示不用向女友李佳芯備案。

大熱倒灶

張敬仁 Kendy

33C

23

34

張敬仁,於美國會計及金融系畢業,曾於芝加哥任職投資銀行分析員,其後回流香港, 13年參選香港小姐,當年以次熱姿態以高票數成為觀眾投票最高三甲,而進身總決賽;落選後,張敬仁並未有簽約無綫,愛自由身的她靠自己接騷、做司儀及拍過洗髮水廣告,去年簽約新公司,唱歌又演戲;早前,成功錄製三首歌曲,又有份參演張學友及林嘉欣主演電影《暗色天堂》,雙線發展。

吳海昕 Sofiee

32B

22.5

33.5

吳海昕(原名吳凱欣)曾任國泰航空空姐, 14年選港姐大熱倒灶,只獲旅遊大使獎,被網民封為「民間港姐」,當選旅遊大使後,吳海昕於無綫履行職責,積極出席各慈善活動,可惜於大台呆等,年多亦未有演出機會, 15年尾,吳海昕離巢,正式回復自由身的她,即有機會參與劉青雲主演電影《神行太保》,九月邱禮濤監製的新戲《戀@廣場》更擔正做女一,又主持港台環保節目《天人合一》,重新出發。

撰文、攝影、攝錄:蕭敬漁

鍾意就快D Share啦!