掃呢頁CODE去手機

2017年6月10日 星期六

【投訴仲高過收視】肥媽仲未出招…《關你家事》收16宗投訴 13點收視 __,肥媽,

大台嗰個清談節目《關你家事》喺星期一播映第一集,雖然呢個節目喺未播前先成為熱話,好似黃宇詩男友嘅前妻Cady,喺節目講俾第三者破壞婚姻嘅經歷,矛頭直指 ...


大台嗰個清談節目《關你家事》喺星期一播映第一集,雖然呢個節目喺未播前先成為熱話,好似黃宇詩男友嘅前妻Cady,喺節目講俾第三者破壞婚姻嘅經歷,矛頭直指黃宇詩!之後又有肥媽同林雅詩喺節目度喊爆講家暴,點知到咗節目出街,坊間嘅反應竟然一面倒插爆!(新聞連結:http://bit.ly/2sap1iL)正所謂清官難審家庭事,有網民覺得點解要將家事擺上枱俾人公審,仔女做錯又要俾人鬧,父母大義滅親又要俾人鬧,之後又搵咗啲所謂嘅專家,同埋啲現場觀眾去俾意見,結果搞到好多觀眾都好反感,結果有唔少觀眾作出投訴!截至9號下晝5點,通訊局表示共收到16宗有關該節目嘅投訴,投訴內容包括指該節目渲染負面訊息、不滿把家庭問題無限放大及作出公審、嘉賓主持態度誇張失實、節目以送獎品鼓勵觀眾作出評論的做法令人反感。通訊局會按既定程序處理有關投訴。除咗嘉賓主持俾人投訴之外,主持之一嘅江美儀,佢嘅表現亦都惹嚟非議,有人覺得佢對啲嘉賓唔尊重,好似啲三姑六婆講是非,至於收視方面,第一集嘅平均收視係18點(約117萬觀眾)、第二集係15點(約97萬觀眾)、第三集係14點(約91萬觀眾)、第四集係13點(約84萬觀眾),唔知肥媽又會唔會救到收視呢?

(電視截圖) 江美儀主持引起爭議。(電視截圖) (電視截圖)
(電視截圖) (網上截圖) (網上截圖)
(網上截圖)

來源 source: http://s.nextmedia.com
鍾意就快D Share啦!