網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2017年6月15日 星期四

王衞 16廁大宅「白金級」 [壹週刊 - 1423 - 財經] __,M1,

王衞屋企有16個廁所,做佢工人真慘,有排洗。中環人語王衞16廁大宅「白金級」上期《壹》仔發現順豐老闆王衞嘅九龍塘大宅,有十六個廁所,水為財,唔知係咪風 ...


王衞屋企有 16個廁所,做佢工人真慘,有排洗。

中環人語

王衞 16廁大宅「白金級」

上期《壹》仔發現順豐老闆王衞嘅九龍塘大宅,有十六個廁所,水為財,唔知係咪風水布局?老友話大宅外觀好有 Frank Lloyd Wright風格,呢位被譽為「最偉大的美國建築師」,曾起過美國嘅落水山莊( fallingwater),又係被譽為「最偉大的建築物」。

其實王衞間喇沙利道大宅,設計來自 Original Vision公司,佢哋設計部總監係 Ken Leung,並非鬼佬。間公司專接東南亞生意,以香港和泰國為業務中心。佢哋以獨立屋建築同豪宅設計最出名,其中淺水灣道 56號、清水灣 Casa Bosques、同筲箕灣 Green Tower嘅概念,正正出自佢哋手筆。

講到王衞間屋就巴閉囉!佢哋公司介紹,係以定向同集中手法,納入周圍街景,彰顯其顯著的街角位置,而臥室強調清晰同簡潔。大宅設計同時考慮環保,喺「能源消耗」、「用水」及「創新與革新」等環節,都達到「白金」級數。睇番啲室內模擬圖,用上咖啡木色,又有大量落地玻璃採自然光,而外形就好似一個「方盒」打斜放喺平台,夠過癮也!

外形似 Frank Lloyd Wright風格,實質設計出自本地薑。

睡房一排落地玻璃,採光度十足。

每層皆有木樓梯貫通,亦有升降機,設計風格簡約。

公司網頁中,九龍塘大宅的模擬客飯廳。

家長為馬化騰仔女瘋狂

騰訊老闆馬化騰早已經係新香港人,近排加拿大國際學校班家長,聽到馬化騰對仔女入咗紙申請入學,仲興奮過校長即刻周圍唱,唉,呢個世界附旺不附衰,明白嘅。之不過有條口痕友一盆冷水潑落班闊太度,謂:「可能 German Swiss收佢,到時就唔入加拿大國際」咁又係,攀到上 German Swiss(山頂德瑞國際學校)同影帝張家輝個女做同學卡士又唔同啲。

加拿大國際學校是馬化騰的心水。

馬化騰為仔女喺香港揀學校,想入國際學校是常識吧!

慶回歸廣告有辱國體

超人李係首富,佢間鋪頭長江集團又係股市冧巴溫,兩者皆為香港嘅象徵。

長江集團推出慶回歸優惠,俾有回鄉證嘅人半價入住旗下內地酒店,應不乏捧場客。但係個廣告則搞到烏厘單刀,認真失禮。回鄉證上「慶回歸」三隻字用正體字寫已經唔啱規矩,所用之漢語拼音 HING WUI GWAI(而非 QING HUI GUI)更加係不知所謂,甚至有辱國體。

幫得超人李間大寶號做嘢亦得加多兩錢肉緊乎?認真啲得唔得吖,阿哥?

慶回歸唔用簡體字,所用的拼音又唔係 QING HUI GUI,不倫不類,不知所謂!

超人李貴為首富,幫佢做嘢嗰位,認真啲得唔得吖,阿哥?

肖建華賣身家

肖建華在內地協助調查已近半年,唔知幾時會坐洗頭艇回來?

自從年三十晚喺四季酒店「被失蹤」後,金融巨鱷肖建華大大話話有近半年無晒消息。佢手頭有大量銀行、保險股份,以及一批香港殼股。最近 market就流出咗一份出售名單,係肖建華手頭嘅資產要變賣,其中主要係內地嘅證券行同銀行,咪話唔珍貴!收到呢張 list嘅金融老闆話,每一個項目通通無價錢,有興趣就埋枱傾。咁肖建華仲喺內地協助調查,點樣越洋指揮?有人就暗示,批貨係肖建華一班幫手揸庄嘅頭馬私自掟出嚟,印證咗「最信任嘅人會出賣你」嘅江湖大道理!

中環寸嘴

楊國佳

本少爺抖暑一週,下週再寸!


鍾意就快D Share啦!