掃呢頁CODE去手機

2017年6月19日 星期一

擔大旗!李克勤宣布紅館騷加開2場 __,克勤,李克勤,

正呀喂!歌手李克勤將於9月5日至8日假紅館舉行《李克勤慶祝成立30周年演唱會》,今日他為個唱舉行記招,身穿彩色寶石西裝的克勤在氣球爆破效果下出場,他向 ...


正呀喂!

歌手李克勤將於9月5日至8日假紅館舉行《李克勤慶祝成立30周年演唱會》,今日他為個唱舉行記招,身穿彩色寶石西裝的克勤在氣球爆破效果下出場,他向大家宣布喜訊,將加開9月4日及9日兩場,又笑說:「我老竇藐我,話我冇飛,要佢睇$480,今日加咗場可能會好啲!」他被問到曾為港姐冠軍的太太盧淑儀屆時可會帶后冠上台繞場一周時,台下突然有人大叫「着泳衣」,克勤即嚇到目定口呆,他說:「邊個講着泳衣,唔係計年齡嘅問題,但幾十年前已經蝕咗一次喇,唔好啦,實不相瞞,我好介意,唔好搞呢啲!」

變集郵男歌手

提到昨晚克勤在facebook玩直播時,很多人點唱《舊歡如夢》,克勤就笑言希望個唱上會演出一個新版本:「邊度跌低就邊度起番身。(依家跳一次隻舞?)好多小朋友睇緊,趷得太高又唔好,趷太低又冇咗個味道。」之後克勤獲送上其新專輯的黑膠唱片版及印有他樣子的紀念郵票,被笑指是「集郵男歌手」!

而台上擺放了一個水晶球,播放了克勤三十年前參加歌唱比賽時的片段,接着英皇娛樂CEO許佩斯就上台頒贈克勤加盟英皇後的年度成績表給他,又送上印有克勤Logo的大旗,寓意他能擔大旗及李克勤品牌的成立,又叫克勤開夠8場騷,克勤說:「好多人問我演唱會名點解係慶祝成立30周年,我才疏學淺,就問林海峰,佢就話『李克勤係個品牌嚟㗎嘛!』」並與眾主辦單位及贊助單位等一起向台前噴彩帶,預祝6場個唱全爆!


來源 source: http://hk.on.cc
鍾意就快D Share啦!