掃呢頁CODE去手機

2017年6月5日 星期一

【獨家】卓林密會30歲紋身網紅 __,卓林,吳綺莉,吳卓林,

好似好老友咁喎!養兒一百歲,長憂九十九,母親每日都擔心仔女是否食得飽着得暖,尤其仔女正值青春期,更要擔心其學業及交友問題。單親媽咪吳綺莉(Elaine ...


好似好老友咁喎!

養兒一百歲,長憂九十九,母親每日都擔心仔女是否食得飽着得暖,尤其仔女正值青春期,更要擔心其學業及交友問題。單親媽咪吳綺莉(Elaine)三月時因女兒卓林的交友問題致母女起衝突,更涉嫌刑事恐嚇被捕。Elaine當時接受訪問透露,卓林經常帶一名年約30歲的女子返家過夜,兩人會關上房門,又指卓林疑沾染不好的習慣出現一些「奇怪行為」,白天沒有精神甚至不上學,令Elaine擔心不已!其後女兒入院留醫更令Elaine愁爆,一度聲淚俱下求女兒回家!

相識大半年

近日出院的卓林終返家重投母親懷抱,兩母女有講有笑重修舊好,但「交友問題」似乎仍未解決。最近有讀者報料指卓林出院後,繼續與令她性情大變的外籍同性好友過從甚密,據知該密友是生活在香港的加拿大籍網絡紅人A小姐,其社交平台不乏濃妝照似足洋娃娃,又有性感照,予人野性感覺。早前曾有雜誌介紹「日系網紅」,有指A小姐曾是一名幼稚園教師。據知,卓林與A小姐相識大半年,A小姐對卓林關懷備至,兩人關係迅速昇華,卓林的習慣喜好及性格都受其影響,A小姐更曾斷斷續續在卓林家留宿近一個月。

卓林早上乘的士離開屋企,約9時半被發現步入灣仔一幢舊樓,該處正是A小姐的住處。卓林逗留近六小時,兩人共處一室至下午約2時50分,終於落樓買嘢食醫肚。卓林與A小姐前腳後步出,身穿黑色長身恤衫及爛牛仔褲的卓林,因天氣炎熱而摺高衫袖,不介意左手近二十條傷痕曝光。而A小姐則身穿粉紅色迷彩衫,手臂有卡通紋身及拎着香煙。最近剪走煩惱絲的卓林心情甚靚,不時撥弄短髮,與A小姐全程有傾有講。卓林一度踎低縛鞋帶,A小姐亦在附近耐心等候。全程卓林警覺性十足不時左右望,兩人一支箭步入一間餐廳,但坐低後未知是否唔啱口味,兩人突然離開,再買生煎包返回A小姐寓所,直至截稿前仍未見卓林離開密友寓所。

原來係補習老師

對於女兒與A小姐見面,Elaine接受東網訪問時表示認識A小姐,指對方是卓林的補習老師:「我個女數學唔係幾好,佢同我講呢個女仔冇咗份工,仲話唔收錢幫佢補習,我話唔可以咁,佢有嚟我屋企補習,佢哋係朋友。(出院後卓林成日見呢個女仔?)有見,佢有同我交代過。(個女仔有喺你屋企住過?)間唔中都有。(你覺得卓林有冇學壞?)都冇,佢出院後都好好,同我有傾有講有交流。」


來源 source: http://hk.on.cc
鍾意就快D Share啦!