2017年6月4日 星期日

楊丞琳33歲生日 李榮浩第3年12點送祝福 __,李榮浩,楊丞琳,

好冧呀!台劇女王楊丞琳今日33歲生日,內地歌手男友李榮浩踏正零時零分送上生日祝福,而有網友統計,李榮浩已經係連續第三年零時零分向女友講生日快樂,而丞琳 ...


好冧呀!

台劇女王楊丞琳今日33歲生日,內地歌手男友李榮浩踏正零時零分送上生日祝福,而有網友統計,李榮浩已經係連續第三年零時零分向女友講生日快樂,而丞琳就喺零時21分以面紅emoji回應,真係閃到眼盲。

楊丞琳亦都喺微博上載吹蠟燭及滿枱美食嘅相,佢寫道:「謝謝大廚煮了一桌好菜,謝謝姊姊替我做的蛋糕,謝謝母親從有我的那一刻起就對我無微不至的照顧!生日願望每年都差不多。希望大家身體健康、幸福快樂、事業順利[心]祝我生日快樂... ​​​​」佢冇指名道姓大廚係邊個,但網友都估係李榮浩親自下廚。

另外,楊丞琳閨蜜陳妍希都上載合照,不過佢好搞笑咁用心形遮咗身邊人個樣,變成得佢同丞琳嘅合照,而網友就估被遮嘅係佢老公陳曉。


來源 source: http://hk.on.cc
鍾意就快D Share啦!
Related Posts Plugin for WordPress, Blogger...