2017年6月27日 星期二

【獨家】曬燶36E咪咪!陳婉衡求醫救胸 __,陳婉衡,

嘩,曬成咁,見到都覺得痛呀!無綫咪神陳婉衡(Alycia)樣靚身材正,擁有36E上圍及24吋纖腰完美body,真係冇得輸!加上她經常做運動練得零贅肉, ...


嘩,曬成咁,見到都覺得痛呀!

無綫咪神陳婉衡(Alycia)樣靚身材正,擁有36E上圍及24吋纖腰完美body,真係冇得輸!加上她經常做運動練得零贅肉,又不時在網上晒噴血照片,輕易吸二、三千like,大受歡迎!

瘋狂影床照

踏入夏日,Alycia趁連番出海,上月底與友人到布吉旅行,連續數日穿三點式在酒店泳池由朝曬到晚。貪靚的她換上多套泳衣拍照,為了拍到猶如寫真的靚相,她不惜死頂在烈日下做Model,鏡頭前Chok到爆,鏡頭後就熱到伸晒脷!她不停上水落水,卻懶得補搽防曬用品,結果曬傷胸口、肩膊及手臂,在中暑邊緣的她之後轉入室內拍「床照寫真」,其中一張照片穿小背心坐在床上托出巨胸,配合背光效果化身女神;另一張趴床照片則下身除剩內褲晒渾圓美股,更對着鏡頭放電,令人想入非非!

曬到心口一撻撻

Alycia結束布吉之旅後已曬傷咪咪,但未有及時處理,只在晚上略敷蘆薈護理,返港後繼續唔識死出海曬太陽,其後再返內地拍攝無綫夏水禮節目,在烈日下玩多個水上遊戲,終令皮膚一發不可收拾,胸前甩皮兼起水泡!她之後尚有不少節目及活動需要穿低胸裝示人,胸前一撻撻,絕對有礙觀瞻!

為保咪神招牌,Alycia急急求診救咪咪!日前她被拍得獨自現身中環,戴Cap帽穿T恤襯工人褲包到冚,收起「受傷的咪咪」。她一臉憂心地邊行邊講電話,似是向朋友訴苦,其後步入一幢商廈,上樓到一間專治皮膚問題的醫務所求診,期間不停與友人玩語音通話,滿臉愁容,明顯相當擔心!其後她到附近Shopping散心,見她主攻風褸及高領Tee,似乎打算繼續「封咪」。

搽蘆薈都冇用

Alycia接受東網訪問時說:「前排曬到周身傷,連着吊帶衫都痛,我已經搽蘆薈,以為冇事於是又繼續曬,終於出事甩晒皮,好擔心影響之後做嘢,好彩睇咗醫生之後好咗好多!呢次之後都驚咗,日後一定會更加注意補防曬,尤其係水面反射好犀利。」工作不斷的她未有機會休息,近日已出發西班牙拍攝《3日2夜》。


來源 source: http://hk.on.cc
鍾意就快D Share啦!
Related Posts Plugin for WordPress, Blogger...