掃呢頁CODE去手機

2017年6月6日 星期二

【女方另覓富商男友】37歲林峯 23歲吳千語分手三個月…? __,林峯,吳千語,千語,

林峯同吳千語BB分手?Areyoukiddingtome?有幾多人等咗今日好耐?今日有周刊報道話,37歲嘅林峯,同23歲千語BB於三個月前已分手。分手 ...


林峯同吳千語BB分手?Are you kidding to me?有幾多人等咗今日好耐?今日有周刊報道話,37歲嘅林峯,同23歲千語BB於三個月前已分手。分手原因係男方父親——廈門李嘉誠之稱嘅林華國唔接受。另一個更主要嘅原因,據報道講,係因為千語BB已經搵到新對象。咦,仲好疊水添。當年嘅「吳七愛」,依家變成「吳愛」……五年情,就咁完?據周刊報道指,即使林峯對女友疼愛有加,又送名牌又蜜遊世界又月奉九萬租豪宅俾女友住,當住傳媒面前七講「好愛好愛好愛」BB,五年來冇緋聞,真係為女友守身如玉,but,佢個廈門李嘉誠爸爸唔buy呢個準新抱。唔知係咪又係嗰啲老老土土要求門當戶對啦。話就話男家來自廈門,女方就係杭州來港,總之,老爺呢一關,千語BB一直都係fail。其實諗深一層,老爺唔buy,亦非無跡可尋。千語BB同林峯都話晒拍拖已經五年,但到依家仍然兩手空空,一層物業都冇收過。周刊報道又引述知情者稱,有人向友人呻,話唔鍾意個仔成日俾人搵笨。咁,係咁㗎啦,上帝關了你一道門,就一定開番一隻窗俾你…報道稱,心灰意冷嘅千語BBz,就喺呢個時候,於飯局上認識另一富商。三個月,千語BB向林峯提出分手。回復自由身嘅千語BB,依家已不避嫌同異性夜蒲,飲醉咗亦大方由男伴拖住安全離開;林峯呢,有指身在大陸開工嘅佢,非常沉默,仲成日拎住部手機,傻癡癡咁。邊個愛邊個更多,往往都係受傷嗰個。今次,林峯又受傷了。

拍拖5年嘅林峯同吳千語,被傳手已分。(資料圖片) 今日有報道指千語BB搭上富商,3個月前向林峯提出分手。(資料圖片) 37歲林峯對細自己14年嘅千語BB,一直錫到燶。(資料圖片)

來源 source: http://s.nextmedia.com
鍾意就快D Share啦!