掃呢頁CODE去手機

2017年6月27日 星期二

【獨家】44歲Tina傳有咗 大癮謝天華背住老婆快chur半支煙 __,謝天華,

現年49歲謝天華,兩年前太太Tina以42歲高齡,生咗囝囝「天天」謝浩飛。其實早年有傳Tina輸卵管閉塞,用咗60萬做咗4次人工受孕,兩公婆終於如願一 ...


現年49歲謝天華,兩年前太太Tina以42歲高齡,生咗囝囝「天天」謝浩飛。其實早年有傳Tina輸卵管閉塞,用咗60萬做咗4次人工受孕,兩公婆終於如願一索得男。(新聞連結:http://bit.ly/2sI3oVR )生咗囝囝後,以往鍾意爛玩爛蒲爛飲嘅謝天華,終於肯修心養性變身湊仔公,就算拍完劇,都會自動波返屋企交人報到。月初,有報道指一直恨追女嘅謝氏伉儷,為達成湊個「好」字嘅心願,有指本身屬三高(高齡、高血壓、高血糖)嘅Tina,為趕及生仔尾班車,近月亦遵從醫生告誡,小心控制血壓同血糖,飲食亦專揀有營養食物,養好身體。

月初,謝天華喺廣州完成《風雲》舞台劇後,就火速返港慰妻,月中(15日)晚上約10點,《蘋果》就見到佢哋兩公婆,喺天后清風街一間甜品店食糖水,有指呢間甜品舖其實係由陳豪同無綫前監製戚其義投資。由於當晚人客唔少,店員就安排二人坐門外膠凳上。只見本身有肉地嘅Tina,腰肢圓潤腹部微隆,坐冇耐,煙癮起嘅謝天華,就煞有介事,背住老婆點煙,然後快吸咗幾口煙,就算Tina喺後面問佢食乜,佢都只係背住佢點點頭。快chur半支煙兼整熄煙頭後,謝天華終於坐返正面,同老婆研究食乜好,到糖水嚟咗之後,二人三爬兩潑食唔夠15分鐘就鬆人。其實,謝天華好友佘詩曼日前生日喺facebook開live,見到Tina同佢講生日快樂,阿佘口快快問謝太,係唔係唔可以亂講嘢,係咪有啲「秘密」唔講得住,暗示謝家有喜。(新聞連結:http://bit.ly/2u702tq )對於生B計劃,謝天華亦不止一次直言:「我都想屋企再熱鬧啲,仔女都冇所謂,都唔想兩個小朋友相差太遠,正計劃中,睇個天安排但亦要努力工作儲多啲錢。」有心唔怕遲,囝囝有個伴固然好,不過縱使有冇陀B都好,要老婆硬食二口煙就唔係幾好,天華,索性戒煙

謝天華同老婆食糖水前,先點咗支煙吸幾啖。(攝影:徐錦池、畢紹基) 背住老婆狂chur。
老婆行上嚟,謝天華就醒目放低支煙。 同老婆快食糖水。 日前兩公婆出席三哥生日會,着住平底鞋嘅Tina被影到腹部微隆,唔知係幸福肥定唔講得嘅喜事。(資料圖片)
生咗囝囝「天天」後,謝天華樂做湊仔公。(資料圖片) (資料圖片) 好友佘詩曼之前爆響口,暗示Tina有喜。(網上截圖)

來源 source: http://s.nextmedia.com
鍾意就快D Share啦!