2017年6月6日 星期二

【獨家】年初桃花食詐糊 48歲郭少芸燥爆搵友人訴苦 __,郭少芸,

下個月步入49歲嘅郭少芸,92年參選港姐入行,20幾年嚟一直忠心效力無綫,喺唔少劇中都扮演倀雞巴渣潑辣角色。一直堅稱係單身嘅佢,喺年初疑似有段遲來春天 ...


下個月步入49歲嘅郭少芸,92年參選港姐入行,20幾年嚟一直忠心效力無綫,喺唔少劇中都扮演倀雞巴渣潑辣角色。一直堅稱係單身嘅佢,喺年初疑似有段遲來春天,當時有讀者透過《蘋果》爆相爆片,話見到一個有啲似張智霖嘅壯男,陪郭少芸一齊跑步。喺讀者提供嘅相中,郭少芸仲好似繑住男方手臂,態度親暱。可惜,事後郭少芸話呢位壯男,並非佢男友,而呢位「脹爆張智霖」之後亦被指原來已婚兼有兩個小朋友。(新聞連結:http://bit.ly/2rBKu0D )桃花乍現,可惜原來食詐糊。感情未有着落嘅郭少芸,閒時惟有搵三五知己食飯吹水。日前《蘋果》記者發現郭少芸同一男一女友人喺筲箕灣蘇豪東一間西餐廳食晚飯。現場所見,化咗淡妝嘅郭少芸,幾乎講多過食,口沫橫飛而且表情多多,一時顯露凌厲眼神、一時拎住牙籤出力篤張枱,一時又眉頭緊皺心事重重,唔知因為高溫關係抑或本身燥底,郭少芸邊講邊不斷用手搲開衣領唞涼,睇落心情好麻麻。成餐飯幾乎得佢一個solo講嘢,兩個友人只能間中喺佢唞氣或飲水潤潤喉嚨嘅時候,先可以輕輕插兩句嘴表達意見。直至飯局尾聲,郭少芸心情先稍稍平伏,見佢對住短髮女友人講嘢時,不停點頭,看似贊同對方意見。直至男友人埋單,郭少芸都一直黐實女友人繼續咬耳仔密傾,其後三人離開餐廳,齊齊上男友人嘅車離去。

(採訪、攝影:徐錦池、畢紹基) 呢晚心情麻麻嘅郭少芸,約友人出嚟訴苦時,七情上面講多過食。 皺眉
不停口擘擘講嘢。 揮舞牙籤。
同枱友人表情有啲無奈。 心火盛嘅郭少芸不停搲開衣領唞涼。 眼神好凌厲。
年初傳出郭少芸同呢位脹爆張智霖撻着。(網上圖片) 仲疑似繑手一齊行街。(資料圖片) 郭少芸92年參選港姐入行。(資料圖片)
係盧淑儀攞冠軍嗰屆。(資料圖片) (資料圖片) 佢同好友阿佘都話自己係單身。(資料圖片)

來源 source: http://s.nextmedia.com
鍾意就快D Share啦!
Related Posts Plugin for WordPress, Blogger...