掃呢頁CODE去手機

2017年6月29日 星期四

【講足5次「好開心」】撻着百億麻雀館太子 阿Sa甜笑:俾啲空間,我都一把年紀 __,阿Sa,蔡卓妍,

阿Sa蔡卓妍被爆同連詩雅(Shiga)前男友「百億麻雀館太子爺」石恆聰拍拖,今晚阿Sa出席活動回應事件。全程仲講咗五次「我好開心」,睇嚟佢真係swee ...


阿Sa蔡卓妍被爆同連詩雅(Shiga)前男友「百億麻雀館太子爺」石恆聰拍拖,今晚阿Sa出席活動回應事件。全程仲講咗五次「我好開心」,睇嚟佢真係sweet到爆咁噃!阿Sa現身前,同佢拍過唔少電影嘅鄭伊健率先現身,問到佢阿Sa嘅新戀情:「未見到佢,一陣見到佢會恭喜佢,我都係噚日先知道。」問到阿Sa咁耐冇拍拖會唔會戥佢開心?伊健笑言:「好耐咩?係咪影唔到咋?都戥佢開心,佢大個喇,拍拖唔出奇,呢啲都係命運嘅安排,最緊要享受過程。」至於會唔會叫阿Sa早啲成家,伊健話:「唔使㗎喇,最緊要開心,活在當下。」有冇關心阿Sa男仔係點,佢就答:「唔使以前都要幫手,o依家大個識應付到!」至於阿Sa喺晚上8點終於現身,一嚟到即刻同伊健合照,伊健同阿Sa攬住影相仲講笑話:「我驚人哋嬲呀!」阿Sa聽完即一手推開伊健。喺訪問中記者先恭賀阿Sa嘅新戀情,佢就甜笑點頭,問到佢係咪拍拖兩個月,佢就話:「總之o依家好開心」講到有指男友石恆聰被其舊愛Shiga死纏,阿Sa就話:「呢啲係茶餘飯後嘅新聞,唔係重點,重點係我哋嘅生活。」問到阿Sa有冇打麻雀,佢笑住話:「唔講咁多喇!總之o依家好開心。」有指未來奶奶對阿Sa非常滿意,問到佢有冇戥下腳?佢話:「唔講喇,俾啲空間喇,我都一把年紀喇。」咁係咪即係暗示趕住嫁?阿Sa就同番噚日回應做擋箭牌:「o依家好開心,噚日都講咗,我o依家都幾開心。」至於係咪搬入男友豪宅同有冇機會閃婚?阿Sa只係話:「呢啲唔講喇,下一秒都唔知發生咩事。冇諗咁多,活在當下,講完。」問到阿Sa欣賞男友啲咩呢?佢賣關子:「自己知就得,唔使分享。」當記者再追問有關男友問題,阿Sa就話:「哎呀,救命,唔講喇。」佢仲叫大家俾啲空間佢哋咁話!

攝影:仇志德 阿Sa今晚出席活動回應同石恆聰拍拖一事。 見到伊健即時攬腰影相。
阿Sa仲講足5次「我好開心」。 伊健話佢都係噚日至知阿Sa嘅新戀情。

來源 source: http://s.nextmedia.com
鍾意就快D Share啦!