熱爆娛樂: 【港姐繼續起底】幫賭王三太買5千萬地舖「間尺鼻」港姐碼實超雲搭路？ _

2017年6月23日星期五

【港姐繼續起底】幫賭王三太買5千萬地舖「間尺鼻」港姐碼實超雲搭路？ __,賭王,三太,何鴻燊,超雲,港姐,

「間尺鼻」Angelica（何沛沂）唔止外貌出眾，睇嚟佢嘅口才同交際手腕都幾犀利，事關佢參選前原來係利嘉閣地產工作過，喺港島西區分行做過，佢仲犀利到有一個月嘅營運額有成45萬6 o添！果然係月入十萬不是夢！咁呢45萬6又點嚟嘅呢？原來係要多謝何家，事關有指佢嘅營運額主要係嚟自一單地舖成交嘅佣金，而本報收到消息，呢單成交就係幫三太買千萬黃竹坑地舖。土地註冊處資料顯示，年初三太陳婉珍以5,700萬元購入黃竹坑道21號環匯廣場地舖、外牆廣告及1樓一個車位，地舖面積3,339方呎，以成交價計算，呎價17,071元。（相關新聞： http://bit.ly/2rY1fBP ）據知，Angelica同一位好姊妹有去開夜蒲，仲有緣識到何超雲o添！而咁啱超雲有意創業，而阿媽三太仲出錢買舖支持，而呢單生意就係支佢同好姊妹，加埋一個負責舖位同事合作促成，而Angelica最後分咗45萬6佣金，成為當月其中一個top sales。而《蘋果》搵嚟三太助手Sandy，佢表示：「何太物業買賣係公司同事處理，唔會有印象同知道經咩地產公司。」至於講到間舖係因為超雲想創業搵阿媽出錢，因而識到「間尺鼻」，Sandy就否認話：「一定唔會，就算真係有呢類買賣都唔會係佢自己跟。」

	「間尺鼻」Angelica參加港姐初選，憑著出眾嘅外貌，吸引到唔少目光。(資料圖片)	(資料圖片)
佢參選前，原來係喺地產公司工作過，佢仲犀利到有一個月嘅營運額有成45萬6。(網上圖片)	而佢嘅營運額就係有份促成三太陳婉珍以5,700萬元購入黃竹坑道21號環匯廣場地舖。(資料圖片)	三太陳婉珍同超雲 (資料圖片)