2017年6月30日 星期五

【最愛梁朝偉】5歲已經喺片場示愛 杜如風:佢怕咗我見到我就走 __,杜如風,梁朝偉,朝偉,

42歲嘅盛女杜如風,曾跟黃又南、「figure王」EricSo、導演郭子健、余文樂、助手Alvin傳緋聞,不過佢最愛係--梁朝偉!呢日杜如風喺中環接受 ...


42歲嘅盛女杜如風,曾跟黃又南、「figure王」Eric So、導演郭子健、余文樂、助手Alvin傳緋聞,不過佢最愛係--梁朝偉!呢日杜如風喺中環接受《蘋果》專訪,緋聞助手Alvin梗喺身邊,由於杜如風腳傷未癒,Alvin仲做人肉柺杖扶出扶入。問到o依家有冇拍拖?杜如風就話:「真係冇,賺錢先,我唔算恨嫁,緣份話嚟就嚟,話唔嚟真係唔嚟,3、4年冇拍拖,但我真係ok,有個男人仲煩,已經有個好煩阿媽管住我,如果多個男人喺度煩我,我真係搞唔掂,寧願一個人自自由由,鍾意食就食瞓就瞓,唔使理人感受。」真係鍾意梁朝偉?佢好大反應:「唔係唔係嘛,起槓㗎,真係深深愛着,絕對係,一生一世,從來冇死心,愛一個人係唔需要理由,我甚至愛埋劉嘉玲,呢個係好難逃脫佢嘅男人,雖然佢怕咗我,見到我就走,又成日寸我:『又係你吖,做乜着到咁閃。』我:『見你囉!』」當朝偉係偶像定暗戀?佢大大聲:「熱戀,激情嗰隻,我講真㗎,以前爸爸做電影宣傳,成日帶我去片場,5歲已經同佢示愛,但佢對我無動於衷,o依家見到佢仲係會緊張到肚痛同(口型:急屎)。」除咗愛情之外,親情對杜如風好重要,父親杜惠東去年病逝,令佢大受打擊!父親節剛過去,如果順風可以送去任何地方,杜如風會上網買乜禮物追送畀爸爸?佢話:「上網買九記牛腩燒畀佢,或者送埋我上去佢更滿足,我唔介意遊一轉天堂,因為我死後一定落地獄,咁不知上去睇下,我咁壞又曳。」今年父親節係咪好失落?佢話:「又冇喎,直情覺得老竇o依家喺天堂樂得逍遙,好過喺醫院插晒喉。」

攝影:沈健程、攝錄:Teddy 杜如風對梁朝偉嘅愛,連佢自己都話係深深愛着。

來源 source: http://s.nextmedia.com
鍾意就快D Share啦!
Related Posts Plugin for WordPress, Blogger...