2017年6月27日 星期二

港姐複選:一次睇晒61位佳麗 __,港姐,

呈獻懶人包。上星期無綫進行2017年港姐首輪面試,話明首輪,梗係乜嘢人種都有啦,當中包括「佛地魔」尖鼻Angelica、「小甜甜」Joshna,仲有. ...


呈獻懶人包。

上星期無綫進行2017年港姐首輪面試,話明首輪,梗係乜嘢人種都有啦,當中包括「佛地魔」尖鼻Angelica、「小甜甜」Joshna,仲有......唉!都係唔好提啦。經過無綫評判一輪篩選之後,今日就由113個佳麗中挑選咗61個進行複選,當中年紀最輕嘅只得17歲,而最大則27歲。

Kelly玩透視

話明篩選過,「省鏡」嘅就梗係有得留低,好似第一輪面試已經充滿氣質嘅「仙氣李若彤」Kelly,上次佢玩密實都遮蓋唔到佢陣仙氣,今次佢仲玩埋輕微透視,真係問你死未?而Kelly面對傳媒嗰陣,笑容滿臉、淡定十足,問到佢三圍時,佢就好含蓄咁話:「呢啲唔講得!」但佢就表示對參選有信心。

17歲Mandy夠晒活力

除咗Kelly外,今年有兩個「Nicole」都好出眾,一個係23歲嘅Nicole Kam,讀緊香港教育大學;另一個都23歲嘅Nicole Wu,仲有「怕羞朱千雪」之稱添!而仲有一個年紀最細嘅佳麗「肥版李珊珊」Mandy,佢今年只係得17歲,但身高就有173cm,Mandy勝在個樣夠甜、17歲夠晒活力呀!

Regina連足戲

唔知大家記唔記得上次有個好似龐卓欣嘅佳麗呢?呢次「翻版龐卓欣」Regina亦成功入圍複選,仲連戲着番白色衫,大玩純情。而上次同兩位佳麗撞裙嘅Elsie今次就以黑色衫示人,信心依然十足。

張寶兒教阿妹丁字腳

係咪仲漏咗邊個呢?咪就係上年港姐張寶兒個妹張寶欣囉!今日張寶欣出場依然受傳媒歡迎,佢笑笑口咁話自己信心多咗、亦都淡定咗,問到佢家姐寶兒有冇畀貼士佢,寶欣就話對方提佢要丁字腳企,不過提提你企還企,記住要企得夠穩呀!

外籍組篩淨一個

而之前有兩個外籍女子參加面試,「神奇女」Perrie今日已經冇咗影,而22歲「滕雞雪兒」Christina就有得留低,問到佢識唔識廣東話,佢就用唔鹹唔淡嘅廣東話講:「我識『谷』(講)少!」總之一個字Cute!

騎呢組別

不過,啲「瘀血」又點會除得晒,總有幾個騎呢留低㗎!講到騎呢組別代表,一定要數「MJ鼻」嘅阿Moon,唔通係「佛地魔」啲Friend?而仲有一個係23歲學生Tiffany,今日佢着咗對Oversize嘅高踭鞋嚟,喂!唔通怕再發育隻腳會大,買大一個碼?當記者問佢點解着咁大對鞋嗰陣,佢就尷尬鬆人。

而仲有個係26歲嘅Eva,佢笑起上嚟條「牙罅」真係疏到呢……使唔使整整佢先呀?仲有仲有,有個瘦過頭嘅Tomato,咁瘦嘅「蕃茄」一定係冇打激素,不過佢最出事係個頭,成個頭笠黐黐,第一眼已經嚇死人啦。都話女人最忌有毛,27歲Amanda就超多腳毛,下次唔該剃剃先不過睇嚟都冇下次㗎啦。上次有個無端端走去拔罐先嚟,啲印都仲未走,今次就有個Vivian手瘀腳瘀咁,佢話自己鍾意打War Game,啲瘀痕係打War Game整親喎!選美喎,你估手腳唔睇㗎?


來源 source: http://hk.on.cc
鍾意就快D Share啦!
Related Posts Plugin for WordPress, Blogger...