掃呢頁CODE去手機

2017年6月6日 星期二

【獨家】650萬麥拿倫超跑載老婆 Man爆城城背肌護Moka孕肚 __,Moka,方媛,郭富城,城城,

51歲郭富城4月娶喺淘寶開網店嘅方媛(Moka)。有指陀住B女嘅Moka,嚟緊9月就係預產期,盛傳準爸爸一早喺養和醫院book定頭等房,等老婆可以舒舒 ...


51歲郭富城4月娶喺淘寶開網店嘅方媛(Moka)。有指陀住B女嘅Moka,嚟緊9月就係預產期,盛傳準爸爸一早喺養和醫院book定頭等房,等老婆可以舒舒服服分娩。(新聞連結:http://bit.ly/2r5b5CA )雖然大住個肚,不過Moka都好努力去經營自家網店,仲不時粉墨登場做埋網店model生招牌,為自家fashion品牌宣傳。之但係緊張事業之餘,Moka近排亦密密嚟港見老公,順手做產檢。日前《蘋果》獨家見到城城孖實Moka到灣仔食飯撐枱腳,不過唔知係咪因為老婆嗜辣關係,城城呢晚放棄至愛打邊爐,改為陪老婆食四川菜。當晚約9點,城城同老婆Moka現身灣仔駱克道一間食川菜嘅菜館,二人選坐食肆貴賓房共對食足兩個鐘。食飽飽後,同老婆同樣戴住黑色情侶cap帽,灰色衫、黑色波鞋嘅城城首先步出,滿面笑容嘅Moka殿後。但當二人發現記者後,稍稍變面色嘅城城,即以身擋住老婆,而着住灰色外套嘅Moka亦配合老公,雙手肉緊捉實對方手臂之餘,亦迅速匿喺城城背後,用老公背肌遮孕肚。記者趁機行前問城城「係咪約咗老婆撐枱腳?」、「老婆幾時預產期?」但兩公婆只笑笑冇作回應,而行到半路,城城就從褲袋攞番個黑色口罩遮樣。二人由食肆沿路一直行去後街。城城其中一架「玩具」─舊年9月落地、價值逾650萬嘅麥拿倫675LT COUPE型號嘅銀灰色跑車就泊咗喺度,城城先打開翼門俾老婆上車,同記者講bye bye後,再行去司機位上車離去。

(採訪、攝影:孔志豪、吳耀輝) 至愛打邊爐嘅城城,呢晚就陪老婆Moka食川菜。 城城用健碩嘅背肌遮住老婆。
Moka肉緊繑住城城結實手臂。 城城見記者即戴番個口罩。
先打開舊年9月落地,價值650萬麥拿倫超跑嘅車門俾老婆上車。 之後自己先上車。

來源 source: http://s.nextmedia.com
鍾意就快D Share啦!