2017年6月27日 星期二

【獨家】69歲宮雪花hot pants花衫強攻荔枝角 向羅霖致敬 __,宮雪花,羅霖,

宮雪花喺上個世紀,95年以47歲高齡參選亞洲小姐競選,成功殺入決賽,仲得埋第5名,成為亞視傳奇。呢位「奇女子」花姨今年已經69歲,但仍活躍於娛樂圈,經 ...


宮雪花喺上個世紀,95年以47歲高齡參選亞洲小姐競選,成功殺入決賽,仲得埋第5名,成為亞視傳奇。呢位「奇女子」花姨今年已經69歲,但仍活躍於娛樂圈,經常中港兩地走,間中出活動,又或者喺網上晒PS修圖,真係無論老中青都會關注佢。《蘋果》讀者羅小姐日前透過「爆相爆片」提供兩張相,話早前喺港鐵站見到花姨,打扮十足妙齡少女。當日下午3點幾,花姨一個人喺荔枝角站準備入閘,佢着住一件超窄身嘅白色T恤,頭上戴住幾朵拳頭咁大嘅粉紅色系列花頭飾,但最吸引人注意嘅,始終都係條超短熱褲,加四個骨白襪襯涼鞋。一身潮Look不禁令人行注目禮。花姨似乎係想挑戰兩年前、當年49歲出寫真嘅羅霖,幫過《蘋果》影嘅一輯運動裝look,同樣令人一見難忘。羅小姐話﹕「一眼就認到係宮雪花,好搞笑,見佢塊面化到好白,同平時PS過啲圖個樣差勁遠。而佢pat pat露咗少少出嚟,有一條好深嘅痕。」其實花姨真係襯到一絕,件T恤胸口位都有朵大花,同頭飾互相輝映。不過,花姨行動似乎有啲論盡,孭住個金色大袋,又拎住一大袋衫,膠袋上面寫住乾衣店名,唔知係咪啱啱攞番啲乾洗衫呢?!

(讀者羅小姐提供圖片) 花姨人如其名,好鍾意花(讀者羅小姐提供圖片) 花姨後面打扮都幾......(讀者羅小姐提供圖片)
95年以47歲高齡參選亞洲小姐競選。(資料圖片) 羅霖曾為《蘋果》影過一輯運動look,同花姨有幾分相近。(資料圖片)

來源 source: http://s.nextmedia.com
鍾意就快D Share啦!
Related Posts Plugin for WordPress, Blogger...