2017年6月10日 星期六

樂基兒8月再婚嫁食品商Ian __,樂基兒,基兒,

樂基兒與未婚夫將於8月舉行婚禮,恭喜!
樂基兒8月再婚嫁食品商Ian敢愛敢恨的名模樂基兒(Gaile),2012年宣布與天王黎明結束四年婚姻。放下天王嫂包袱後,Gaile雖然曾表示不會再婚, ...


樂基兒8月再婚嫁食品商Ian

敢愛敢恨的名模樂基兒(Gaile),2012年宣布與天王黎明結束四年婚姻。放下天王嫂包袱後,Gaile雖然曾表示不會再婚,但兩年前遇上從事有機食品生意的Ian,二人一拍即合。去年Ian向Gaile求婚成功,有情人終成眷屬,Gaile昨日宣布八月再婚,回復人妻身份!

Gaile於2008年秘密與天王黎明結婚,消息震驚娛樂圈,但兩人婚姻只維持了四年便告吹。卸下天王嫂銜頭,戀愛大過天的Gaile不愁寂寞,曾與新西蘭籍滑水教練Denim拍拖,兩年前結識圈外生意人Ian。一向愛得光明的Gaile,去年元旦在社交網站上載與Ian合照,公布戀情!

拍拖兩年,二人不時被拍得一起做運動及去超市買餸煮飯,過着甜蜜同居生活,因此不時傳出兩人結婚報道,日前再有消息指Ian向Gaile求婚成功,更計劃八月拉埋天窗,而Gaile近日又被拍得肚凸凸疑似有喜,莫非雙喜臨門?本報記者向Gaile求證?敢言的她大方承認婚事,更自爆早於去年八月已經訂婚,由於二人都是再婚,故婚禮不會鋪張。

草原求婚<br>未婚夫到「四野無人」的涼亭,買齊鮮花、香檳及戒指向樂基兒求婚,得咗!
  • 草原求婚

    未婚夫到「四野無人」的涼亭,買齊鮮花、香檳及戒指向樂基兒求婚,得咗!
  • 放大圖片
  • 放大圖片
樂基兒與未婚夫拍拖兩年,修成正果。
  • 樂基兒與未婚夫拍拖兩年,修成正果。

求婚「四野無人」

即將再榮升人妻的Gaile接受訪問時,甜蜜透露再婚心情:「我哋會喺8月結婚,會喺美國加州舉行婚禮,婚禮係一個好小型、簡單,屬於我哋兩個嘅派對,只有大概50人參加,主要係我哋父母同親友。(返香港再擺酒?)返嚟唔會擺酒,所有儀式會喺美國完成。(未婚夫有乜嘢打動你會再婚?)唔話畀你知,哈哈!」

行事低調的她,原來早於去年八月已跟Ian訂婚,問到求婚過程?Gaile甜笑說:「舊年八月我哋喺美國放假,嗰排差不多係我生日,嗰日Ian着住一套西裝,又叫我要着得隆重啲,我以為佢係為我慶祝生日,所以都冇為意。佢帶我去咗加州北部嘅小鎮Sonoma County,去到先知係求婚,我以為係切蛋糕,點知係收戒指,我好驚喜,嗰個地方四野無人,係佢上網搵嘅,只有一片草原同一個白色涼亭,佢預備咗餐枱,上面有鮮花、香檳同戒指,因為周圍冇人,所以我哋合照都冇,張合照喺我腦海裏面,哈哈!」

冇生B計劃

近日Gaile被拍得身形翻脹,問到是否雙喜臨門?她否認其事,表示暫沒有生B計劃,發福只因戒煙:「我下星期會去泰國上瑜伽導師訓練課程,呢個課程要你無煙訓練呼吸,如果你唔戒煙又去上堂,咁就冇意思。其實我一直都想戒煙,因為健康同覺得好臭,戒咗煙後成日想食pizza,所以肥咗,但我返嚟會瘦番啲啦,近年我接觸咗瑜伽之後,覺得改變咗好多,令我一年好過一年,希望成功戒煙!」恭喜Gaile再覓到真愛!至於Gaile的前夫黎明,至截稿前仍未有回覆。

文:名人組


鍾意就快D Share啦!
Related Posts Plugin for WordPress, Blogger...