掃呢頁CODE去手機

2017年6月13日 星期二

【俾90後空姐問「係乜水」】坐飛機事先講明唔簽名 55歲黃凱芹有回應 __,黃凱芹,

「即使一句傷盡我心的說話,若實在是真的請講呀。」(黃凱芹《傷盡我心的說話》歌詞)以下嘅對話內容,又真係幾hurt吓。日前喺空姐界就瘋轉一段「趣事」,有 ...


「即使一句傷盡我心的說話,若實在是真的請講呀。」(黃凱芹《傷盡我心的說話》歌詞)以下嘅對話內容,又真係幾hurt吓。日前喺空姐界就瘋轉一段「趣事」,有自稱林太嘅網民,就喺空姐群組中,爆出早年有位男乘客,喺飛行途中,Chok住走去機艙嘅廚房,同服務員講:「Excuse me,我今日唔影相、唔簽名。」當時接待呢位乘客嘅兩位90後空中服務員,就「哦」咗一聲,當乘客返回座位時,就忍唔住問其他資歷較深嘅同事,問呢位乘客「係乜水」。睇完座位人名表,資歷深嘅同事就笑住話:「哦!原來係佢!難怪你哋唔識。」網民仲不忘貼咗呢位明星朋友喺機艙嘅相,雖然打咗格,但其實張相早喺兩年前,已經曝咗光。而呢張相嘅主人翁,就係80年代「情歌王子」黃凱芹。不過該空姐群組嘅專頁,俾人瘋傳咗1日後,就已經俾人刪咗個post。隔咗1日,黃凱芹終於喺微博,回應呢件事:「2015年4月30日,和助理坐飛機經香港去大陸工作,當時還拍了些照片放在微博,哈哈,想不到,兩年多後,照片還有利用價值!」講晒成件事,都似乎冇講到重點─究竟有冇chok住去叫人唔好搵佢影相同簽名,不過黃凱芹都趁機sell吓自己今個月出嘅新專輯,又話要多謝呢位幫佢「宣傳」嘅空姐朋友同網民嘅愛戴,可以幫佢製造話題造勢。仲話要打俾對方多謝佢哋。之後黃凱芹再喺微博上留言話:「很多人想我投訴,但我是CX(國泰)的鐵粉啊!又假如,他們誤交損友,被人利用幫朋友發了個荒謬的毀謗,被人借刀殺人而不自知,那又是否犯罪?只能說是蠢吧。但當有人給我看圖3,我才覺得空姐形像都給毀了。飛機艙機器聲會很吵,不懂中英文的人世界上有很多,尤其是老人家。如果破虐的是你家人,你會投訴麼?」

噚日喺空姐群組中,有網民話早年曾經喺飛機服務過一個明星。 呢位明星喺飛行途中,就主動向機艙服務員要求唔簽名唔影相。(網上圖片) 其實張相黃凱芹兩年前喺微博po過。(網上圖片)
今日黃凱芹終於有回應。(網上圖片)

來源 source: http://s.nextmedia.com
鍾意就快D Share啦!