2017年6月22日 星期四

【首歌90年先出㗎!】Celine爸爸稱85年唱《李香蘭》得獎?刪都刪唔切! __,Celine,

9歲香港小巨肺Celine參加《全美一叮》唱「MyHeartWillGoOn」爆紅,宣傳片流出,已成為網上熱話,事後爆出Celine係由爸爸譚順生(S ...


9歲香港小巨肺Celine參加《全美一叮》唱「My Heart Will Go On」爆紅,宣傳片流出,已成為網上熱話,事後爆出Celine係由爸爸譚順生(Steve)教唱歌,Dr. Steve仲喺家燕姐間學校教過,又開過音樂學校,不過家燕姐就形容「此人居心叵測」(新聞連結:http://bit.ly/2tImAk8),譚順生收學費亦唔平。今日終於播出《全美一叮》Celine參賽嗰集(新聞連結:http://bit.ly/2rBgtxi),同時Celine喺facebook宣佈成功晉級,多謝大家支持。由噚日開始,有網民搵番譚博士教唱歌資歷嚟睇,先發現佢講自己贏過好多歌唱比賽冠軍,仲詳細列埋佢翻唱過啲咩得獎歌曲,不過有網民發現佢聲稱唱過歌,有幾首竟然係首歌未推出,佢已經喺比賽中唱過。當中佢話唱過《你的名字和我姓氏》……連個歌名都寫錯,學友唱嘅係《妳的名字我的姓氏》,佢仲話自己係1987同1988年參加比賽得獎,但《妳的名字我的姓氏》係1996年先推出。再睇佢寫得獎年份同首歌推出嘅年份亦有出入……譚博士報稱唱李克勤首《大會堂演奏廳》得獎年份係1985年,不過《大》係1988年先推出;佢又話1985年唱學友首《李香蘭》得獎,之但係學友嘅《李》係1990年先推出;仲有許志安嘅《唯獨你是不可取替》1993年推出,但譚博士稱自己1989年參賽唱過《唯》!最「經典」係譚博士話1990年唱過黎明首《愛比我重要》,但呢首歌黎明係2000年推出!黎明其實係先1990年開始出碟。如果唔係譚博士記錯,真係要借幾次叮噹嘅時光機嚟坐,先可以去參賽!?一曝光即刪得獎名單網民又再睇吓譚博士嘅學歷,自己公司寫佢係「聲學訓練專家譚博士」,但好多資料都冇寫到譚博士係讀咩課程、拎過咩學位,只係話譚博士擁有30年人事管理、行為分析,舞台表演及歌唱比賽經驗,結合成心理學去進行相關研究!咁有一個叫「Tutor Kara」用戶名嘅facebook,擺咗譚博士嘅相,又share咗囡囡Celine嘅比賽片,介紹自己係教唱歌,facebook仲寫上2008年菲律賓馬尼拉University of Science and Technology畢業拎咗「Doctor of Philosophy in Business Administration」,未知譚博士係唔係商業學博士,如果係真的,呢個學位同聲樂好似冇乜關係!其實早年譚博士喺報道講過自己係15歲開始唱歌,似係無師自通,又自創教學方法。睇番近日網上熱烈討論,亦未有人出嚟講受譚博士薰陶,睇嚟佢最成功係「栽培」Celine妹妹喇!!!

網上圖片 網上圖片

來源 source: http://s.nextmedia.com
鍾意就快D Share啦!
Related Posts Plugin for WordPress, Blogger...