2017年6月24日 星期六

【97年亞姐冠軍】巨躉變火柴人 韓君婷抑鬱暴瘦 纖體痾到冇得瞓 __,亞姐,韓君婷,亞洲小姐,

「冇一個電視或者電影嘅導演係有叫過我減肥,冇人因為覺得我肥咗醜樣囉!」1997年亞姐韓君婷當選嗰年,由亞軍「升呢」上冠軍,20年嚟事業愛情都起起伏伏( ...


「冇一個電視或者電影嘅導演係有叫過我減肥,冇人因為覺得我肥咗醜樣囉!」1997年亞姐韓君婷當選嗰年,由亞軍「升呢」上冠軍,20年嚟事業愛情都起起伏伏(另一隻動新聞有講) ,佢嘅體重都一樣,升升跌跌,即刻去片睇吓佢嘅體形演變!連佢自己都感概承認,觀眾只記得佢嘅體形變化。其實由佢選亞姐嗰時,佢都有成120磅,但佢唔覺肥:「只不過我蘿大囉,呢個係英國人身形。」之後佢入圍決賽,自己就以地獄式減肥,每日只食一個橙、飲一盒脫脂奶減咗8磅。喺亞視之後去到大台,喺2001年着上紅色泳裝上《獎門人》節目時,佢被冠以140磅「巨躉」稱號:「我哋去日本獎門人嗰陣時呢,得120、121磅左右o架咋!」 而佢自己都話02年拍纖體廣告前係最肥,有128磅:「其實幾辛苦,我嗰陣時瞓瞓吓覺夜晚起身,死喇死喇,好似未到磅喎,咁要起身食多兩嚿雪糕先,所有有澱粉質嘅嘢都要擺入口,麵包、千層麵、蛋糕、忌廉,直頭係忌廉嗰啲唧落口嗰啲呀。」辛苦增肥,又地獄減肥:「我每一日都一定要跑14km,每一日有兩兜菜、有兩塊火腿。女人唔方便嗰幾日,你又唔小心水腫咗幾磅,大家解釋唔到嘅,就會畀幾粒無名嘅藥你。」佢話除咗咁,未試過比選美更加辛苦:「我未試過咁辛苦,又唞唔到氣,又氣促又震,又不停咁去廁所啦,最慘就係瞓唔到覺,因為不停去廁所,痾到冇得再痾喎。」佢仲因為咁而喊過兩次。比起巨躉,韓君婷更加介意「火柴人」稱號,當時她患上抑鬱症又冇即時處理:「抑鬱係因為我個blood裏面製造唔到某一啲嘢出嚟。但係點樣發現呢…就係纖體廣告之後,減肥、Stareast追唔到數又自己再執埋啦,種種呢啲問題,咪會有個domino effect囉。咁好明顯有影響工作啦,因為我喺TVB就停咗喇。」對於肥同瘦,韓君婷:「你係滿足唔到所有人,記得滿足別人不如滿足自己。如果你覺得我咁樣係肥嘅話呢,I am very happy to be 肥囉!」場地:高興

採訪:懷鈺、嵐山

攝錄:馮峰、Neo

攝影:陳慧安

1997年參選亞姐時…佢話自己有120磅。(資料圖片) 呢個體形,你會覺得似140磅定121磅?(資料圖片)
纖完體係好fit,但過程好辛苦,仲喊過兩次。 真係fit爆嘅… 佢有抑鬱唔知道,又冇理到,搞到體重暴跌到80幾磅。(資料圖片)
韓君婷介意自己被吵「火柴人」。 (資料圖片) 佢話o依家有108磅,個人好開心,唔再理人哋點睇。(陳慧安攝)

來源 source: http://s.nextmedia.com
鍾意就快D Share啦!
Related Posts Plugin for WordPress, Blogger...