2017年6月19日 星期一

【笑得好甜】9歲Celine現身機場 譚爸爸多謝譚校長賞識 __,Celine,譚詠麟,譚校長,

年僅9歲嘅Celine(譚芷昀)近日參加美國才藝節目《全美一叮》(America'sGotTalent),節目嘅preview喺網上公開後已錄得過千萬 ...


年僅9歲嘅Celine(譚芷昀)近日參加美國才藝節目《全美一叮》(America's Got Talent),節目嘅preview喺網上公開後已錄得過千萬瀏覽。據知Celine喺《全美一叮》已晉級,《蘋果》仲致電佢經理人蕭定一,佢話:「我哋簽咗保密協議,唔講得,不過係件開心事。」(相關新聞: http://bit.ly/2sljbIx )而Celine妹妹今日就同爸爸譚順生喺今晚10點現身機場,Celine孭住白兵背囊,頭戴cap帽全程由爸爸拖住,於國泰航空櫃位行去離境大堂閘口,見到現場有十數名記者採訪,Celine都有少少徬徨,而譚爸爸邊行邊話:「趕住走!」佢表示:「今次係出trip去玩」至於媽媽,同細女Dion今次未有同行,譚爸爸就話:「冇呀!今次得我哋兩個去。」問到佢有冇諗過囡囡將來做明星?譚爸爸就話:「呢啲等返嚟先講,遲啲再update你哋。」至於Celine獲校長譚詠麟力讚,譚爸爸話:「我都有睇,好多謝佢,大家都姓譚。」佢仲話冇諗過咁多人睇囡囡演出嘅片段。而據機場航班顯示板顯示,國泰航空於凌晨12點及12點半分別有航班往美國洛杉磯及三藩市,估計Celine同爸爸目的地就係美國。

攝影:陳順禎 年僅9歲嘅Celine(譚芷昀)近日參加美國才藝節目《全美一叮》成為網絡熱話
Celine妹妹今日就同爸爸譚順生喺今晚10點現身機場 譚爸爸話今次佢哋係去玩

來源 source: http://s.nextmedia.com
鍾意就快D Share啦!
Related Posts Plugin for WordPress, Blogger...