2017年6月17日 星期六

【獨家】揚威《全美一叮》 9歲好勝小巨肺Celine X Dion冧爆爸爸 __,Celine,

年僅9歲嘅香港小巨肺Celine(譚芷昀),之前喺歌唱比賽獻唱《YouRaiseMeUp》,條片早於河網上瘋傳,美國NBC電視台更邀請她去美國名嘴El ...


年僅9歲嘅香港小巨肺Celine(譚芷昀),之前喺歌唱比賽獻唱《You Raise Me Up》,條片早於河網上瘋傳,美國NBC電視台更邀請她去美國名嘴Ellen DeGeneres監製嘅節目《Little Big Shot》做表演嘉賓。前年Celine獲英國獨立電視台(ITV)通知,成功進入《Britain's Got Talent》(全英一叮)第二階段賽,依家仲入埋《全美一叮》(America's Got Talent),影片約16小時左右貼出,至今已錄得逾1,334萬瀏覽。鏡頭前只見Celine媽媽感動落淚,爸爸就抱住妹妹Dion,全神貫注欣賞Celine演出。今年這個父親節,相信譚家都會十分難忘。【最開心收自畫心意卡】

日前Celine與Dion,同爸爸一齊接受《蘋果》專訪。兩姊妹在爸爸譚順生(Dr.Steve)的音樂教室中,又唱又跳,見到兩個可愛女兒落力演出,譚爸爸甜到入心。之後兩姊妹又排排坐,專心畫心意卡,當佢哋將心意卡送畀譚爸爸嘅時候,分別以英文同國語講「我愛你」,又向爸爸獻吻,Celine甜笑話:「Happy Father's day,恭喜爸爸出唱片。」爸爸係歌唱老師嚟㗚。譚爸爸(即係Dr.Steve)話,每年父親節都會食飯慶祝,但最開心都係收到兩個女自畫嘅心意卡:「首先好感恩,有兩個囡囡,因為女係孝順啲。佢哋好得意,把聲又好靚,所以造就唱歌嘅機會,跟我同一個興趣就係最開心。」Celine就邊畫邊話:「唱歌好開心,我好鍾意!」【國際試一take就考咗8級】

譚爸爸透露平時都好注重親子樂,所以閒時都會帶兩個寶貝女去主題樂園玩、游水、打籃球、跑步等等,佢問Celine:'Do you enjoy your life?'Celine答:'Yes!'譚爸爸話,肢體語言亦都好重要,佢會同父母攬攬,講聲「我愛你」,希望自己身教,做個好榜樣,Celine同妹妹即刻跟譚爸爸話:「我愛你!」爸爸被兩個小情人冧到暈陀陀。「Celine啱啱考咗一個國際考試,我係以佢為榮,對佢好欣賞,因為佢一take就考咗8級,一考就考到,成件事都只不過係兩個月,我知佢壓力好大,因為佢個人都幾好勝,所以佢覺得自己參加就一定要做到。我同佢講,做唔到唔緊要,做唔到咪當一個經驗囉。」「呢兩個月,我不停同佢傾偈,喺精神上支持住佢,但又要佢放鬆,享受成個過程,最後攞到咪當bonus,證明自己所做係值得,咁就更上一層樓,呢個係佢學到嘅嘢,亦係一個最難忘嘅經歷。」

採訪:黃曉妍 攝影:沈健程 拍片:馮嘉銘 左邊係Celine,中間係Dion,右邊係音樂老師兼爸爸——Dr.Steve。
之後兩姊妹又排排坐,專心畫心意卡。 爸爸就趁呢個時間做下訪問咁啦。 Dion唔識寫個「愛」字,Celine代勞,但…冇咗個「心」嘅…
個心呢度 爸爸問Celine:'Do you enjoy your life?'Celine答:'Yes!'

來源 source: http://s.nextmedia.com
鍾意就快D Share啦!
Related Posts Plugin for WordPress, Blogger...