2017年6月22日 星期四

【獨家 ‧ 極品港姐系列】傳曾任夜場公關 「間尺鼻」Angelica:好多人唔鍾意我! __,港姐,

每年到咗5、6月,除咗係颱風季節嘅來臨之外,亦都係選美季節,0依家啲選美最吸引人嘅地方,已經唔再係喺台上爭冠亞季軍,反而係喺面試嗰陣,大家都買定花生, ...


每年到咗5、6月,除咗係颱風季節嘅來臨之外,亦都係選美季節,0依家啲選美最吸引人嘅地方,已經唔再係喺台上爭冠亞季軍,反而係喺面試嗰陣,大家都買定花生,擔定凳仔喺度睇女,呢啲女唔止有索女,仲有一啲「相貌平凡、骨骼精奇」嘅女仔!《香港小姐競選2017》喺前日進行首輪面試,喺131個面試佳麗入面,有唔少都符合花生友嘅口味,其中一位自稱叫Angelica嘅女仔,芳齡25歲,嗰個又直又長嘅鼻,兩邊嘅蘋果肌又異常豐滿,結果「間尺鼻」Angelica成為整日焦點,網上瘋傳關於佢嘅報道,連帶突然多咗好多佢嘅舊照,好多朋友爆料講佢嘅背景!(新聞連結:http://bit.ly/2sP5Dao)翻查資料,原來呢位Angelica喺15年曾以「何沛沂」為名,簽約信星亞太娛樂,嗰陣佢同嚟自大陸嘅MK Pop組合拾音社屬同門,不過只係曇花一現,估唔到事隔兩年走去參選港姐!噚日《蘋果》致電Angelica,講到首輪面試情況,佢話:「我完全唔知乜嘢事,覺得好似俾人攞嚟炒作,其實啲對話乜嘢都冇回應過!」又稱:「都有影響心情,唔知點解影出嚟啲相咁樣衰,皮膚又好差,我啲朋友話真人唔會咁樣,參選者都有百幾個,但係好似特別針對我!」唔知有冇諗過唔再玩?佢話:「我都想放棄,但係我身邊啲朋友話:『你都參選咗囉!』。」之不過有讀者報料話Angelica曾經整過容,甚至話佢做過夜場公關?但係佢冇正面回應,只重複謂:「唔知點解好似好多人都唔鍾意我,但係我都唔識佢哋!」那面試期間可曾向無綫交代曾任Model?Angelica表示話:「冇呀,面試嗰陣從來都冇提過以前做model,其實好多嘢我都唔想再公開。我覺得啲人好似想攞我嚟炒作。我只係平平淡淡,而且TVB都叫我哋唔好講咁多嘢,只係簡單講自己個名。」據知第二輪面試將會喺下個星期進行,但係Angelica被問幾時再通知第二輪?佢話:「我印象中應該係會打電話通知。有冇信心?我都唔知,我都俾人炒到咁樣,其實如果真實認識我啲人,都知我唔係嗰啲騎呢,但係如果覺得我要行嗰啲路線,都冇辦法。」再問佢如果入唔到圍會唔會再喺娛樂圈發展?佢話:「我都唔知,唔回應喇,因為大台都唔俾我講咁多嘢。」

噚日港姐初選,呢位準佳麗現身,即時風起雲湧。 佢就係今年25歲嘅Angelica。
佢投訴話:「唔知點解影出嚟啲相咁樣衰,皮膚又好差,我啲朋友話真人唔會咁樣!」
你朋友...... 有讀者報料話Angelica真身係咁。(讀者提供圖片) 真係同一個人?(讀者提供圖片)

來源 source: http://s.nextmedia.com
鍾意就快D Share啦!
Related Posts Plugin for WordPress, Blogger...