2017年6月20日 星期二

【女神大集合】Anjay年底嫁初戀男友 陳瀅一劇爆紅 __,陳瀅,女神,Anjay,

《女人俱樂部》呢套劇,可能係最多女神有份參演嘅一套劇,除咗有90年代幾位當紅花旦李若彤、李麗珍、袁潔瑩、葉蘊儀、張慧儀、陳慧珊等人,仲有飾演佢哋後生版 ...


《女人俱樂部》呢套劇,可能係最多女神有份參演嘅一套劇,除咗有90年代幾位當紅花旦李若彤、李麗珍、袁潔瑩、葉蘊儀、張慧儀、陳慧珊等人,仲有飾演佢哋後生版嘅幾位現任女神,好似王敏奕就係細個嘅李麗珍。過咗幾年,呢班女仔而去晒邊呢?演後生版李若彤嘅陳嘉寶(Anjaylia ),喺今年4月宣佈封盤,同拍拖4年嘅初戀男友喺11月就會拉埋天窗。因為兩人都係虔誠嘅基督徒,講到明婚後先會造人。「小吱喳」吳嘉熙(Cheronna)就係女團Super Girls成員,不過早前有指成員SG兩位成員Yanny、Heidi因為爭仔不和。到噚日仲傳出拆夥消息。不過隊長Aka話唔屬實,因為SG仲接咗代言廣告,嚟緊仲會有新歌,所以 Cheronna可以專心唱歌練舞。至於「糖妹」黃山怡就係糖妹係組合糖兄妹嘅主音,丸子頭係佢嘅特色。近年獨立發展,活潑親民形象,令佢喺大台有好多演出機會。閒時去唔到地方商演,上星期8號風球,佢就被逼滯留澳門,仲要涼都冇得沖。賴慰玲喺劇入面就演後生版張慧儀,不過佢唔係大台親生女,只係揀咗簽部頭合約。但唔好睇少佢,因為連影帝黃秋生、視帝鄭嘉穎都點名讚過佢有潛質,所以咁多年嚟都頻頻有演出機會。而陳瀅拍呢套劇之前冇乜人識,喺呢套劇演完後生陳慧珊之後就紅咗好多,前男友係賭王兒子何猷亨。甩拖後緋聞唔少,但都只係得個傳字,真係拍拖嘅就冇。

Anjay嚟緊結婚,唔知會唔會搵好姊姊賴慰玲同陳凱琳做姊妹呢?(Instagram圖片) 陳瀅拍完《女人俱樂部》好紅,仲成為咗好多人口中嘅陳瀅BB。(資料圖片)
糖妹就一向好多瓣數,拍劇都只係其中一環咋。(資料圖片) Cheronna所屬嘅Super Girls噚日傳出拆夥。(資料圖片)

來源 source: http://s.nextmedia.com
鍾意就快D Share啦!
Related Posts Plugin for WordPress, Blogger...