掃呢頁CODE去手機

2017年6月5日 星期一

at 17世紀合體!盧凱彤林二汶台上咀嘴 __,林二汶,盧凱彤,

真係好有驚喜呀!歌手盧凱彤(Ellen)於藝術中心壽臣劇院舉行尾場演唱會,於Encore部分,Ellen換上全身黑衣,在音樂人蔡德才伴奏下唱出《之所以 ...


真係好有驚喜呀!

歌手盧凱彤(Ellen)於藝術中心壽臣劇院舉行尾場演唱會,於Encore部分,Ellen換上全身黑衣,在音樂人蔡德才伴奏下唱出《之所以是你我》等歌曲。唱至《三分鐘後》時,林二汶突然現身合唱,全場粉絲興奮地站起來尖叫和大合唱。二汶與Ellen擁抱和咀嘴,然後一起說:「大家好,我哋係at17。」二汶坦言有看第一場演出,對Ellen的感言感受很深:「好似好多嘢都令你(Ellen)問『咁又點呢』,無論我哋分開行幾耐,都6、7年,你覺得唔緊要嘅嘢對我嚟講都好緊要,你嘅努力令我覺得自己唔孤獨,我哋一路都係一齊行。」二汶祝Ellen奪得「金曲獎女歌手獎」,Ellen從後攬住她,場面溫馨。兩人在台上開facebook live宣布12月重組at17,粉絲再次尖叫,最後全場合唱《The best is yet to come》,演唱會圓滿結束。

受訪時,Ellen坦言連開4場已夠喉:「好攰呀,一個人撐哂4場,好彩有啲嘉賓。最開心係同哥哥越洋彈結他,好多人都覺得好溫馨,我哋都係越洋練結他,但始終好耗體力,彈(結他)到爆甲。」她透露花了兩、三個月在家閉關練習,下星期會到台灣開6場騷及出席金曲獎頒獎禮:「祝我成功吖!有信心嘅,對呢張專輯好有期望,唔只女歌手獎,仲有編曲人獎都有入圍。」問到為何麥浚龍(Juno)只是拍片,而未有到場?Ellen指對方正在拍戲:「我有邀請佢,佢都好想親自嚟,但佢太忙,我哋拍嗰日佢都好癲,食唔到嘢,又好耐冇瞓覺,所以都唔忍心要佢親自嚟。」她表示很開心Juno用了3小時為她拍片,更是一口應承。

至於在台灣留個半月後,就會閉關準備at17重組,Ellen說:「已經錄緊音,大概8月會派歌,12月做演唱會。(點解呢個時候重組?)因為我哋15周年,同埋今年係2017年,好有意義,好想今年搞,又好掛住對方。」她指兩人一直有保持聯絡,加上覺得自己的作品成績很好,笑說是時候像無敵鐵金剛重組:「重組會勁啲嘛!(兩個人意見點?)梗係更加不合、更加比較,愈比愈強嘛,我哋意見從來都不合,係公開嘅秘密,我哋由揀歌到搵邊個填詞都係意見唔同,但係好似以前咁,我哋總有方法處理到,擦出更多火花,at17最有特性就係呢度。」

提到好友台灣歌手魏如萱爸爸因膀胱癌逝世,Ellen驚訝說:「我唔知呀,希望佢節哀順變,我一陣都會send message畀佢。」


來源 source: http://hk.on.cc
鍾意就快D Share啦!