2017年6月8日 星期四

凸腩出巡 唔認有 B 樂基兒傳八月嫁食品大亨 [壹週刊 - 1422] __,樂基兒,基兒,M1,

探熱針凸腩出巡 唔認有B 樂基兒傳八月嫁食品大亨08年秘嫁黎明,12年宣布離婚的樂基兒(Gaile)不愁寂寞,男友一個接一個,直至去年初,戀上做有機食 ...


探熱針

凸腩出巡 唔認有 B 樂基兒傳八月嫁食品大亨

08年秘嫁黎明, 12年宣布離婚的樂基兒( Gaile)不愁寂寞,男友一個接一個,直至去年初,戀上做有機食品生意的有米 Ian才穩定下來。近日閨密圈子傳出,她決定八月再婚。雖然尚有三個月就嫁 Ian再做人妻,但她仍未發力收身,凸腩孕味濃。

麥當奴道築愛巢

一二年樂基兒( Gaile)除下「黎明嫂」光環後,先後跟新西蘭籍的 Denim於峇里同居,及金融才俊 Brian打得火熱,但兩個都不是她的 Mr.Right。直至去年與從事網上有機食品生意的「食品大亨」 Ian撻着,之後傳二人在新加坡秘婚,及未婚有餡,但樂基兒統統否認。

其實二人同樣曾婚姻失敗,又熱愛運動同下廚,夾到爆! Gaile早已進駐男友麥當奴道寓所,過同居生活。去年她三十六歲生日,便帶 Ian返美國三藩市見家長。近日她的閨密圈更傳出,求婚成功的 Ian,決定於八月拉埋天窗。

被傳有餡的 Gaile,早前被發現凸晒肚腩咁行街,昔日索爆身材冇影。

Gaile同男友 Ian都曾經歷婚姻失敗,如今兩人認定對方再婚。

有指去年八月, Gaile帶埋拍拖大半年的 Ian返美國見父母,兼順道慶祝生日。

偶而也會在 ig放閃。有指八月會在外地舉行婚禮的 Gaile,地點都離不開二人熱愛的陽光與海灘。

Gaile同 Ian同樣鍾意下廚及運動,夾到爆。去年兩個踢住人字拖行超市玩煮飯仔,好 sweet。

外地搞低調婚禮

不過再嫁的樂基兒,跟昔日嫁黎明一樣低調。

「 Gaile個婚禮會喺外地搞,依家都唔係太多圈中朋友知,因為佢同 Ian都係再婚,唔想鋪張,所以婚禮地點保密。」知情者爆。

有「仔」萬事足的 Gaile,每次都是忙拍拖少工作。年多以來,她跟男友 Ian不時出雙入對。

滿足男友趕生 B

「 Ian嘅前妻係關之琳閨密,佢哋離咗婚好多年,冇小朋友。 Ian近年開始想要細路,佢同 Gaile傾過有共識生 BB, Gaile半年前開始調理身體。佢過往煮西餐比較多,近年就學煮中餐,煲老火湯。其實 Gaile向來冇乜事業心,有仔(男友)萬事足, Ian條件好,照顧到佢。 Gaile依家閒時接吓騷,考咗個瑜伽教練牌,賺錢買花戴係佢最想過嘅生活。」知情者續說。

雖然唔認有 B,但樂基兒近日被發現凸肚行街,加埋麒麟臂同肥臀,如果不是大肚有餡,傳八月再嫁的樂基兒,真係要積極瘦身做靚新娘喇!

同 Ian拍拖後,工作量不多的 Gaile不愁生活,經常出埠度假之餘,亦考埋瑜伽教練牌。

36歲的 Gaile不但無懼過去在婚姻中挫敗,還想在四十歲前趕生 B。

曾經她跟年長 14年的黎明去到開花結果,沒料婚姻只維持四年就告終。

三度換畫

12年回復單身的 Gaile,未有被上一段婚姻嚇怕,感情生活依舊多姿多采,五年內曾三度換畫。

Denim

離婚不久, Gaile火速戀上從事房地產的新西蘭男友 Denim McHardy,並在峇里同居,有指當時 Gaile同男友有再婚打算,二人戴了同一款訂婚戒指並放在 facebook晒幸福,不過未幾相片已被刪走,兩年情在 14年宣布玩完。

Brian

跟 Denim分手後, Gaile被指撻着同愛滑水的金融才俊 Brian(劉愉樺),二人更不時被拍到在港夜蒲,為爭取時間見面, Gaile索性返港定居,不過拍拖唔夠兩年, 16年初, Gaile宣布有新歡,跟從事飲食生意男友 Ian拍拖,並開心 share二人在南非過新年拍拖照。

撰文、攝影、攝錄:娛樂組


鍾意就快D Share啦!
Related Posts Plugin for WordPress, Blogger...